அசர்பைஜானியர்கள்

அசர்பைஜானியர்கள் (Azerbaijanis) என்பவர்கள் ஒரு துருக்கிய மக்கள். இவர்கள் முக்கியமாக ஈரானிய பிராந்தியமான அஜர்பைஜான் மற்றும் அசர்பைஜான் குடியரசில் வாழ்கின்றனர். துருக்கிய மக்களுக்குப் பிறகு துருக்கிய மக்களிடையே இரண்டாவது மிக அதிகமான இனக்குழுவைக் கொண்டுள்ளனர்.^[1] அவர்கள் பெரும்பாலும் சியா முஸ்லிம்கள் ஆவர். அவை அசர்பைஜான் குடியரசின் மிகப்பெரிய இனக்குழுவையும், அண்டை நாடான ஈரான் மற்றும் சியார்சியாவில் இரண்டாவது பெரிய இனக்குழுவையும் உள்ளடக்கியது.^[2] உலகின் மிகப்பெரிய எண்ணிக்கையிலான அசர்பைஜானியர்கள் ஈரானில் மற்றும் அதைத் தொடர்ந்து அசர்பைஜான் குடியரசில் வாழ்கின்றனர். அவர்கள் துருக்கிய மொழிகளின் ஓகுஸ் கிளையைச் சேர்ந்த அசர்பைஜான் மொழியைப் பேசுகிறார்கள்.

அசர்பைஜான் மக்களின் தோற்றம்

பல குறிப்புகளில், அசர்பைஜானியர்கள் துருக்கிய மொழியின் காரணமாக துருக்கிய மக்களாக கருதப்ப்படுகிறார்கள்.^[3] நவீனகால அசர்பைஜானியர்கள் முதன்மையாக காகசியன் அல்பேனிய ^[4]^[5] மற்றும் துருக்கிய மொழி மற்றும் கலாச்சாரத்தை ஏற்றுக்கொள்வதற்கு முன்னர் முறையே காகசஸ் மற்றும் வடக்கு ஈரான் பகுதிகளில் வாழ்ந்த ஈரானிய மக்களின் சந்ததியினர் என்று நம்பப்படுகிறது. வரலாற்றாசிரியர் விளாடிமிர் மைனர்ஸ்கி பெரும்பாலும் ஈரானிய மற்றும் காகசியன் மக்கள் துருக்கிய மொழி பேசும் மக்களாக மாறினர் என்று எழுதுகிறார்.

ஈரானிய தோற்றம்

அசர்பைஜானியர்களின் ஈரானிய தோற்றம் ஈரானிய அசர்பைஜானில் உள்ள மீடியாப் பேரரசு மற்றும் கிமு எட்டாம் நூற்றாண்டில் வந்த சித்தியன் படையெடுப்பாளர்கள் போன்ற பண்டைய ஈரானிய பழங்குடியினரிடமிருந்து பெறப்பட்டதாக இருக்கலாம். மீடியர்கள் மன்னாயுடன் கலந்ததாக நம்பப்படுகிறது.^[6] அரபு வரலாற்றாசிரியர் அல்-மசூடி எழுதியது போன்ற பண்டைய எழுதப்பட்ட கணக்குகள் இப்பகுதியில் ஈரானிய இருப்பை உறுதிப்படுத்துகின்றன. இது பொதுவாக ஈரானிய அசர்பைஜான் மக்களுக்கு மட்டுமல்ல, அசர்பைஜான் குடியரசின் மக்களுக்கும் பொருந்தும்

என்சைக்ளோபீடியா ஈரானிகா கூறுகையில், "சர்பைஜானின் துருக்கிய மொழி பேசுபவர்கள் முக்கியமாக முந்தைய ஈரானிய பேசுபவர்களிடமிருந்து வந்தவர்கள்" என்கிறது.^[7] ஈரானிய மொழி பேசுபவர்களிடையே தொடர்ந்து தால்யுச் மற்றும் காகசீய தாட் ஆகியவைகள் அஜர்பைஜான் குடியரசிலிலும் உள்ளன.

மக்கள்தொகை மற்றும் சமூகம்

அசர்பைஜானியர்களில் பெரும்பான்மையானவர்கள் அசர்பைஜான் குடியரசு மற்றும் ஈரானிய அசர்பைஜானில் வாழ்கின்றனர். 8 முதல் 18.5 மில்லியன் வரை அசர்பைஜானியர்கள் ஈரானில் முக்கியமாக வடமேற்கு மாகாணங்களில் வாழ்கின்றனர். அஜர்பைஜான் குடியரசில் சுமார் 9.1 மில்லியன் அசர்பைஜானியர்கள் காணப்படுகிறார்கள். ஒரு மில்லியனுக்கும் அதிகமான புலம்பெயர்ந்தோர் உலகம் முழுவதும் பரவுகின்றனர். எத்னோலோக்கின் கூற்றுப்படி, தெற்கு தாகெஸ்தான், எஸ்டோனியா, சோச்சியா, கஜகஸ்தான், கிர்கிஸ்தான், உருசிய முறை, துர்க்மெனிஸ்தான் மற்றும் உஸ்பெகிஸ்தான் ஆகிய நாடுகளில் வடக்கு அசர்பைஜான் பேச்சுவழக்கில் 1 மில்லியனுக்கும் அதிகமான மொழியின பேசுபவர்கள் உள்ளனர்.^[8]

2001 ஆம் ஆண்டு ஆர்மீனியாவில் நடந்த மக்கள் தொகை கணக்கெடுப்பில் அசர்பைஜானியர்கள் யாரும் பதிவு செய்யப்படவில்லை.^[9] தேசிய மக்கள் தொகை கணக்கெடுப்பு போன்ற பிற ஆதாரங்கள், முன்னாள் சோவியத் ஒன்றியத்தின் பிற மாநிலங்கள் முழுவதும் சர்பைஜானியர்கள் இருப்பதை உறுதிப்படுத்துகின்றன.

கலாச்சாரம்

ருசோ-சோவியத் மற்றும் கிழக்கு ஐரோப்பிய தாக்கங்களை அஜர்பைஜானியர்கள் உள்வாங்கியுள்ளதால், பல விஷயங்களில், அஜர்பைஜானியர்கள் ஐரோவாசிய கலாச்சாரவாதிகளாக உள்ளனர். ஈரானிய அஸெரிஸ் தங்கள் கலாச்சாரத்தை தக்க வைத்துக் கொண்டாலும், இது மற்ற ஈரானியர்களின் கலாச்சாரத்திற்கு ஒத்ததாகும்.^[10] நவீன அஜர்பைஜான் கலாச்சாரம் இலக்கியம், கலை, இசை மற்றும் திரைப்படம் ஆகியவற்றில் குறிப்பிடத்தக்க சாதனைகளை உள்ளடக்கியது.

கலைத்துறை

அசர்பைஜானியர்கள் நடனம், இசை மற்றும் திரைப்படம் உள்ளிட்ட பல்வேறு கலை வழிகளில் தங்களை வெளிப்படுத்துகிறார்கள். அசர்பைஜான் நாட்டுப்புற நடனங்கள் பழமையானவை மற்றும் காகசஸ் மற்றும் ஈரானில் உள்ள அண்டை நாடுகளின் நடனங்களைப் போன்றவை. குழு நடனம் என்பது தென்கிழக்கு ஐரோப்பாவிலிருந்து காஸ்பியன் கடல் வரை காணப்படும் ஒரு பொதுவான வடிவமாகும்.

மேற்கோள்கள்

↑ "Azerbaijani | people". https://www.britannica.com/topic/Azerbaijani-people. பார்த்த நாள்: 2016-11-03.
↑ "2014 General Population Census" (PDF). National Statistics Office of Georgia. Archived from the original (PDF) on 10 அக்டோபர் 2017. Retrieved 28 April 2016.
↑ Golden, Peter B. (1992). An Introduction to the History of the Turkic Peoples. Otto Harrasowitz. pp. 385–386. ISBN 978-3-447-03274-2.
↑ Kobishchanov, Yuri M. (1979). Axum. Pennsylvania State University Press. ISBN 978-0-271-00531-7.
↑ Suny, Ronald G.. What Happened in Soviet Armenia?. பக். 37–40.
↑ Zadok, Ran (15 August 2006). "Mannea". Encyclopædia Iranica. Retrieved 29 January 2012.
↑ Frye, R. N. (15 December 2004). "Peoples of Iran". Encyclopædia Iranica. Retrieved 29 January 2012.
↑ Lewis, M. Paul (2009). "Azerbaijani, North". Ethnologue: Languages of the World, Sixteenth edition. SIL International. Retrieved 29 January 2012.
↑ "Table 5.1 De Jure Population (Urban, Rural) by Age and Ethnicity" (PDF). Census 2001. National Statistical Service of the Republic of Armenia. Archived from the original (PDF) on 30 ஜனவரி 2010. Retrieved 29 January 2012. {{cite web}}: Check date values in: |archive-date= (help)
↑ ""History of the East" ("Transcaucasia in 11th-15th centuries" in Rostislav Borisovich Rybakov (editor), History of the East. 6 volumes. v. 2. "East during the Middle Ages: Chapter V., 2002. – பன்னாட்டுத் தரப்புத்தக எண் 5-02-017711-3.