அத்லெடிகோ மாட்ரிட்

அத்லெடிகோ டி மாட்ரிட்
முழுப்பெயர்	அத்லெடிகோ டி மாட்ரிட் கழகம், S.A.D.
அடைபெயர்(கள்)	Los Colchoneros (The Mattress Makers); Los Rojiblancos (The Red and Whites); Los Indios (The Indians); El Atleti (The Atleti– not to be confused with the more literal Athletic);
தோற்றம்	26 ஏப்ரல் 1903; 122 ஆண்டுகள் முன்னர்
ஆட்டக்களம்	Estadio Vicente Calderón,; Madrid
கொள்ளளவு	54,960
உரிமையாளர்	Miguel Ángel Gil Marín
President	Enrique Cerezo
மேலாளர்	டியகோ சிமியோனே
கூட்டமைப்பு	லா லீகா
2012–13 La Liga	லா லீகா, 3வது
இணையதளம்	கழக முகப்புப் பக்கம்
	Current season

அத்லெடிகோ மாட்ரிட் (Atlético Madrid , எளிமையாக Atlético -அத்லெடிகோ ) என்பது எசுப்பானியாவின் லா லீகா கூட்டிணைவில் பங்குபெறும் கால்பந்துக் கழகமாகும்.^[2] இதன் அமைவிடம் மாட்ரிட், ஸ்பெயின் ஆகும். அத்லெடிகோ மாட்ரிட் 9 முறை லா லீகா-வினை வென்றுள்ளது; 1996-ல் வென்ற இரட்டையும் இதில் அடங்கும். கோபா டெல் ரேவினை (அரசரின் கோப்பை) 10 முறை வென்றுள்ளனர். மேலும் 1 எசுப்பானிய உன்னதக் கோப்பையும் 3 ஈவா துயர்த்தே கோப்பையும் வென்றுள்ளனர். ஐரோப்பாவில், 1962-ல் யூஈஎஃப்ஏ கோப்பை வெற்றியாளர்கள் கோப்பையை வென்றுள்ளனர்; 1974-ஆம் ஆண்டு ஐரோப்பியக் கோப்பையில் இரண்டாம் இடம் பெற்றனர்.^[3] மேலும், யூரோப்பா கூட்டிணைவை 2010 மற்றும் 2012 ஆகிய ஆண்டுகளில் வென்றுள்ளனர்; யூஈஎஃப்ஏ உன்னதக் கோப்பையை 2010 மற்றும் 2012-ஆம் ஆண்டுகளில் கைப்பற்றியிருக்கின்றனர்.

தற்போது 54,960 பார்வையாளர்கள் கொள்ளளவு கொண்ட விசென்டே கால்தெரான் மைதானத்தில் (Vicente Calderón)^[4] தன்னிடப் போட்டிகளை ஆடி வரும் இவர்கள், 2015-ஆம் ஆண்டில் 70,000 பார்வையாளர்கள் கொள்ளளவு உடைய லா பெய்னேட்டா மைதானத்துக்கு (Estadio La Peineta) இடம்பெயர இருக்கின்றனர்.

எசுப்பானியாவில் அதிக ஆதரவாளர்கள் கொண்ட கால்பந்துக் கழகங்களில் ரியல் மாட்ரிட் மற்றும் பார்சிலோனா-வுக்கு அடுத்து அத்லெடிகோ மூன்றாமிடம் பெறுகின்றனர். மேலும் உலகிலேயே பெரும் விளையாட்டுக் கழகங்களில் ஒன்றாகவும் உள்ளது; 65,000 பேர் பருவ நுழைவுச்சீட்டு கொண்ட ஆதரவாளர்கள் உள்ளனர்.

இவர்கள் இருக்கும் அதே நகரத்தில் இருக்கும் காரணத்தினால் இவர்களுக்கும் ரியல் மாட்ரிட் அணிக்கும் இடையே பெருத்த போட்டி காலாகாலமாக இருந்து வந்திருக்கிறது.^[5]