அன்ரிச் நோர்க்யா

அன்ரிச் ஆர்னோ நோர்க்யா (பிறப்பு 16 நவம்பர் 1993) என்பவர் ஒரு தென்னாப்பிரிக்க தொழில்முறை துடுப்பாட்டக்காரர் ஆவார் . இவர் மார்ச் 2019 இல் தென்னாப்பிரிக்கா கிரிக்கெட் அணிக்காக பன்னாட்டு அளவில் அறிமுகமானார் ^[2] . ஜூலை 2020 இல், கிரிக்கெட் தென்னாப்பிரிக்கால் ஆண்டுதோறும் வழங்கப்படும் விருது விழாவில் ஆண்டின் புதுவரவாக நார்ட்யே பெயரிடப்பட்டார்.^[3]

2016 ஆப்பிரிக்க இ20 கோப்பைக்கான கிழக்கு மாகாண அணியில் நோர்க்யா சேர்க்கப்பட்டார்.^[4] அக்டோபர் 2018 இல், மிசான்சி சூப்பர் லீக் இ20 போட்டித் தொடரின் முதல் பதிப்பில் கேப் டவுன் பிளிட்ஸ் அணியில் இவர் இடம் பெற்றார்.^[5][6] தொடரின் நடுவே, அவர் கணுக்கால் காயத்தால் வெளியேறினார்.^[7] டிசம்பர் 2018 இல், 2019 இந்தியன் பிரீமியர் லீக்கிற்கான வீரர்கள் ஏலத்தில் கொல்கத்தா நைட் ரைடர்ஸ் அணியால் வாங்கப்பட்டார்.^[8][9] இருப்பினும், மார்ச் 2019 இல், தோள்பட்டை காயத்தால் போட்டியில் இருந்து வெளியேற்றப்பட்டார்.^[10]

செப்டம்பர் 2019 இல், அவர் 2019 மிசான்சி சூப்பர் லீக் போட்டிக்கான கேப் டவுன் பிளிட்ஸ் அணியில் இடம் பெற்றார்.^[11] 2020 ஐபிஎல் ஏலத்திற்கு முன்னதாக அவர் கொல்கத்தா நைட் ரைடர்ஸ் அணியிலிருந்து விடுவிக்கப்பட்டார்.^[12] ஜூலை 2020 இல், அவர் 2020 கரீபியன் பிரீமியர் லீக்கிற்கான செயின்ட் லூசியா சூக்ஸ் அணியில் இடம்பிடித்தார்.^[13][14] இருப்பினும், சரியான நேரத்தில் பயண ஏற்பாடுகளை உறுதிப்படுத்தத் தவறியதால், போட்டியைத் தவறவிட்ட ஐந்து தென்னாப்பிரிக்கத் துடுப்பாட்ட வீரர்களில் நோர்க்யேவும் ஒருவர்.^[15] ஆகஸ்ட் 2020 இல், 2020 இந்தியன் பிரீமியர் லீக் போட்டித் தொடரில் கிறிஸ் வோக்ஸுக்கு மாற்றாக நார்ட்யே டெல்லி கேப்பிடல் அணியில் சேர்ந்தார்.^[16] 14 அக்டோபர் 2020 அன்று, 2020 ஐபிஎல்லின் 30வது போட்டியின் போது, நார்ட்ஜே 156.22 கிமீ/மணி (97 மைல்) வேகத்தில் ராஜஸ்தான் ராயல்ஸின் ஜோஸ் பட்லரிடம் பந்து வீசினார், இது ஐபிஎல் வரலாற்றின் அதிவேக பந்து வீச்சாக இன்றுவரை உள்ளது.^[17] 2022 ஐபிஎல் தொடருக்கான மெகா ஏலத்திற்கு முன்பு டெல்லி கேப்பிடல்ஸ் அணியால் தக்கவைக்கப்பட்ட நான்கு வீரர்களில் இவரும் ஒருவர்.^[18]

ஏப்ரல் 2021 இல், தென்னாப்பிரிக்காவில் 2021-22 கிரிக்கெட் பருவத்திற்கு முன்னதாக, கிழக்கு மாகாண அணியில் நோர்க்யே பெயரிடப்பட்டார்.^[19]