அறிவார்வம்

அறிவார்வம் (இலத்தீன் cūriōsitās) பேரார்வம் அல்லது அறிவாவல் என்பது மனிதர்கள் மற்றும் விலங்குகளில் வெளிப்படும் ஆய்வு, விசாரணை மற்றும் கற்றல் போன்ற ஆய்வு சிந்தனையுடன் தொடர்புடைய ஒரு நிலையாகும். ^{[1] [2]} அபிவிருத்தி உளவியலலின் அனைத்து அம்சங்களும், கற்றல் செயல்முறை மற்றும் திறமையைப் பெற விரும்பும் அவா ஆகியவற்றைக் குறிக்கிறது. ^[3]

ஆர்வம் என்ற சொல் ஆர்வமாக இருப்பதன் நடத்தை, பண்பு அல்லது உணர்ச்சியைக் குறிக்கலாம். அறிவியல், மொழி மற்றும் தொழில் வளர்ச்சி போன்ற மனித வளர்ச்சியின் உந்து சக்தியாக ஒரு நடத்தை மற்றும் உணர்ச்சி ஆர்வமே உள்ளது. ^[4]

குரங்குகள், பூனைகள் மற்றும் கொறிணிகள் உட்பட பல இனங்கள் தங்களது ஆர்வத்தை வெளிப்படுத்துகின்றன. ^[2] குழந்தைப் பருவம் முதல் ^[5] முதிர்வயது வரை எல்லா வயதினருக்கும் இது பொதுவானது. ^[1] ஆர்வம் என்பது மனிதர்களிடையே ஒரு நிலையான பண்பு அல்ல, மாறாக அதை வளர்க்க முடியும் என்று ஆராய்ச்சி முடிவுகள் காட்டுகிறது. ^[6]

ஆர்வத்தின் ஆரம்ப வரையறைகள், தகவலைப் பெறுவதற்கான ஊக்கமளிக்கும் ஆசை என்று அழைக்கின்றன. ^[7] இது அறிவு, தகவல் மற்றும் புரிதலுக்கான பேரார்வம் அல்லது பற்றாக்குறை ஆகியவற்றிலிருந்து உருவாகிறது என்று கூறப்படுகிறது.