அவதேஷ் பிரசாத்

அவதேஷ் பிரசாத் (Awadhesh Prasad - பிறப்பு: 31 சூலை 1945) ஓர் இந்திய அரசியல்வாதியும், உத்தரப் பிரதேசத்தின் பைசாபாத் மக்களவை நாடாளுமன்ற உறுப்பினராகவும், சமாஜ்வாதி கட்சியின் நிறுவன உறுப்பினராகவும், தேசிய செயற்குழுவின் பொதுச் செயலாளராகவும் உள்ளார். பிரசாத் 2024ல் மக்களவை உறுப்பினராக^[1] தேர்ந்தெடுக்கப்படும் வரை உத்தரப் பிரதேச சட்டமன்ற உறுப்பினராக இருந்தார்.^[2]

அவதேஷ் 31 சூலை 1945ஆம் ஆண்டு உத்தரப் பிரதேசத்தின், அயோத்தி மாவட்டத்தின் சுர்வாரில் துக்கி ராம், மைனா தேவி தம்பதியருக்கு மகனாகப் பிறந்தார்.

அவதேஷிற்க்கு சோனாதேவி என்ற மனைவியும், இரண்டு மகன்களும் உள்ளனர்.

பிரசாத் உத்தரப் பிரதேச சட்டமன்றத்திற்கு 1977, 1985, 1989, 1993, 1996, 2002, 2007ஆம் ஆண்டுகளில் நடைபெற்ற தேர்தல்கலில் சோஹாவால் (தனி) தொகுதியிலிருந்து ஏழு முறையும், 2012 மற்றும் 2022ஆம் ஆண்டுகளில் மில்கிபூர் (தனி) சட்டமன்றத் தொகுதியிலிருந்து^[3] இரண்டு முறை என ஒன்பது முறை சட்டமன்ற உறுப்பினராக தேர்ந்தெடுக்கப்பட்டு பணிசெய்துள்ளார்.

இவர் உத்தரபிரதேச அரசில் ஆறு முறை அமைச்சராகவும், நான்கு முறை கேபினட் அமைச்சராகவும் இருந்துள்ளார்.^[3][2]

2024ல் நடைப்பெற்ற மக்களவை தேர்தலில் உத்தரப் பிரதேசத்தின் பைசாபாத் மக்களவை தொகுதியில் சமாஜ்வாதி கட்சியின் சார்பாக போட்டியிட்டு, பாஜகவின் லல்லுசிங்கை 54,567 வாக்குகள் வித்தியாசத்தில் வென்றார்.^[4]