ஆர்ஜெண்டினா தேசிய காற்பந்து அணி 1964ஆர்ஜெண்டினா தேசிய காற்பந்து அணி 2018
ஆர்ஜெண்டினா தேசிய காற்பந்து அணி (Argentina national football team, எசுப்பானியம்: Selección de fútbol de Argentina) பன்னாட்டு காற்பந்தாட்டப் போட்டிகளில் ஆர்ஜெண்டினாவின் சார்பாக விளையாடும் தேசிய அணியாகும். இதனை அர்கெந்தீனா நாட்டில் காற்பந்தாட்டத்தை ஒழுங்குபடுத்தும் அர்கெந்தீனா கால்பந்துச் சங்கம் (AFA) மேலாண்மை செய்கின்றது. இந்த அணியின் தாயக விளையாட்டரங்கமாக எசுடேடியோ அன்டோனியோ வெசுபுசியோ லிபர்டி விளங்குகின்றது. தலைமை பயிற்றுனராக அலெயான்ட்ரோ சபெல்லா உள்ளார். பிஃபா உலகத் தரவரிசையில் தற்போது மூன்றாமிடத்தில் அர்கெந்தீனா உள்ளது.[3]
லா செலக்சியோன் (தேசிய அணி) என்றும் ஆல்பிசெலஸ்ட்டிசு (வான்நீலமும் வெள்ளையும்) என்றும் இரசிகர்களால் குறிப்பிடப்படும் இந்த அணி நான்கு உலகக்கோப்பை இறுதியாட்டங்களில் பங்கேற்றுள்ளது. முதன்முதலான 1930 உலகக்கோப்பை இறுதியாட்டத்தில் உருகுவையிடம் 4–2 என்ற கணக்கில் தோற்றது. அடுத்தமுறை இறுதியாட்டத்தில் 1978 உலகக்கோப்பையில், நெதர்லாந்தை 3–1 கணக்கில் வென்றது. டீகோ மரடோனா தலைமையில் மீண்டும் 1986 உலகக்கோப்பையில் 3–2 என்ற கணக்கில் மேற்கு செருமனியை வெற்றி கண்டது. மிக அண்மையில் 1990 உலகக்கோப்பையில், செருமனியிடம் 1–0 என்ற கணக்கில் தோற்றது; செருமனி ஒரு சர்ச்சைக்குள்ளான பெனால்டி மூலம் வெற்றிக் கோலை அடித்திருந்தது.
ஆர்ஜெண்டினாவிற்கும் பிரேசில்,உருகுவை,செருமனி மற்றும் இங்கிலாந்திற்கும் இடையே கால்பந்து வரலாற்று நிகழ்வுகள் காரணமான பகை நிலவுகின்றது.[7][8]
வட அமெரிக்கா மற்றும் தென் அமெரிக்க நாடுகள் பங்கேற்கும் பான் அமெரிக்கா விளையாட்டுக்களில் கால்பந்தாட்டப் போட்டிகளில் அர்கெந்தீனா நடந்த 14 போட்டிகளில் ஆறில் வென்றுள்ளது: 1951, 1955,1959,1971,1995, 2003
↑After 1988, the tournament has been restricted to squads with no more than 3 players over the age of 23, and these matches are not regarded as part of the national team's record, nor are caps awarded.
