இந்தோனேசிய நாடாளுமன்ற வளாகம்

இந்தோனேசிய நாடாளுமன்ற வளாகம் Parliamentary Complex of Indonesia Kompleks Parlemen Republik Indonesia MPR/DPR/DPD Building
நுசாந்தாரா கட்டிடம்
ஜகார்த்தா -இல் அமைவிடம்
பொதுவான தகவல்கள்
இடம்	ஜகார்த்தா இந்தோனேசியா
ஆள்கூற்று	6°12′37″S 106°48′00″E / 6.21028°S 106.80000°E / -6.21028; 106.80000
கட்டுமான ஆரம்பம்	8 மார்ச் 1965
நிறைவுற்றது	பிப்ரவரி 1983 (தலைமைக் கட்டிடம் 1968-இல் கட்டி முடிக்கப்பட்டது)
உயரம்	100 மீ
தொழில்நுட்ப விபரங்கள்
அளவு	80,000 மீ2
வடிவமைப்பும் கட்டுமானமும்
கட்டிடக் கலைஞர்(கள்)	சொஜோடி விர்ஜோமோஜோ (Soejoedi Wirjoatmodjo)

இந்தோனேசிய நாடாளுமன்ற வளாகம் (ஆங்கிலம்: Parliamentary Complex of Indonesia (MPR/DPR/DPD Building); இந்தோனேசியம்: Dewan Perwakilan Daerah Republik Indonesia (Gedung MPR/DPR/DPD R) என்பது இந்தோனேசிய சட்டவைகளுக்காக உருவாக்கப்பட்ட அரசாங்கத்தின் கட்டிட வளாகமாகும்.^[1][2]

இந்தோனேசிய நாடாளுமன்ற வளாகத்தில் உள்ள சட்ட அவைகள்:

• இந்தோனேசிய மக்களின் கலந்தாய்வுப் பேரவை
  (People's Consultative Assembly)
  (Majelis Permusyawaratan Rakyat ) (MPR)
  • இந்தோனேசிய மக்களவை
    (House of Representatives (Indonesia)
    (Dewan Perwakilan Rakyat) (DPR)
  • இந்தோனேசிய மேலவை
    (Regional Representative Council)
    (Dewan Perwakilan Daerah) (DPD)

இந்தோனேசியாவின் முதல் அதிபரான சுகார்னோவால், 1965-ஆம் ஆண்டு மார்ச் 8-ஆம் தேதி கட்டிடம் கட்ட ஆணையிடப்பட்டது. மார்ச் 1965 இல் கட்டுமானம் தொடங்கியது. சொஜோடி விர்ஜோமோஜோ (Soejoedi Wirjoatmodjo) எனும் கட்டிடக் கலைஞரின் தலைமையில் கட்டுமானம் நடைபெற்றது.

செப்டம்பர் 30, 1965-இல் நடந்த இந்தோனேசிய செப்டம்பர் 30 இயக்கத்தின் ஆட்சிக் கவிழ்ப்பு முயற்சியால் கட்டுமானம் தடைபட்டது. நவம்பர் 9, 1966-இல் மீண்டும் கட்டுமானம் தொடங்கியது. படிப்படியாக, கட்டுமானம் முடிக்கப்பட்டு இந்தோனேசிய மக்களவை தலைமைச் செயலகத்திடம் ஒப்படைக்கப்பட்டது.^[3][4]

மே 1998-இல், இந்தோனேசிய நாடாளுமன்ற வளாகக் கட்டிடங்கள், ஏறக்குறைய 80,000 பல்கலைக்கழக மாணவர்களால் ஆக்கிரமிக்கப்பட்டன.^[5] அதற்கு முன்னர், திரிசக்தி துப்பாக்கிச் சூடு (Trisakti Shootings); மற்றும் சுகார்த்தோவின் மேற்கத்திய சார்பு புதிய ஒழுங்குமுறை எனும் புதிய கட்டளை கொள்கைக்கு (New Order) எதிராக ஆர்ப்பாட்டங்கள் நடைபெற்றன.

இந்தோனேசிய மேலவை; மற்றும் 1998-2003-ஆம் ஆண்டின் இந்தோனேசிய மக்களின் கலந்தாய்வுப் பேரவை ஆகியவற்றைக் கலைக்க வேண்டும் என பல்கலைக்கழக மாணவர்கள் அழைப்பு விடுத்தனர்.[6] பல்கலைக்கழக மாணவர்களின் இந்த ஆர்ப்பாட்டத்திற்குப் பின்னர், அதிபர் சுகார்த்தோவின் ஆட்சி கவிழ்ந்தது.

இந்தோனேசிய நாடாளுமன்ற வளாகம் ஆறு கட்டிடங்களைக் கொண்டுள்ளது. முதன்மைக் கட்டிடம் நுசாந்தாரா (Nusantara). இந்தக் கட்டிடம் தனித்துவமான கருடனின் இறக்கை வடிவக் கூரையுடன்;^[3] மற்றும் 1,700 இருக்கைகள் கொண்ட முழுமையான கூட்ட அரங்கத்தைக் கொண்டுள்ளது.

மற்ற ஐந்து கட்டிடங்கள்:

• நுசாந்தாரா I (Nusantara I)
• நுசாந்தாரா II (Nusantara II)
• நுசாந்தாரா III (Nusantara III)

23-மாடி கட்டிடம்; இந்த மூன்று கட்டிடங்களில் நாடாளுமன்ற உறுப்பினர்களின் அலுவலகங்கள்; மற்றும் கூட்ட அறைகள்; இவற்றுள் குழு சந்திப்பு அறைகள் மற்றும் அலுவலகங்கள் உள்ளன;

• நுசந்தாரா IV (Nusantara IV); மாநாடுகள் மற்றும் விழாக்களுக்குப் பயன்படுத்தப்படுகிறது
• நுசந்தாரா V (Nusantara V); 500 இருக்கைகள் கொண்ட முழுமையான அரங்கத்தைக் கொண்டுள்ளது.

இந்தோனேசிய நாடாளுமன்ற வளாகத்தின் காட்சிப் படங்கள்

• MPR/DPR-RI Buildings at a Glance. Secretariat General of DPR-RI. 2001.
• Merrillees, Scott (2015). Jakarta: Portraits of a Capital 1950-1980. Jakarta: Equinox Publishing. ISBN 9786028397308.

• இந்தோனேசிய அரசாங்கம்
• இந்தோனேசிய அமைச்சரவை
• இந்தோனேசிய அரசியல்
• இந்தோனேசிய மக்களின் கலந்தாய்வுப் பேரவை
• இந்தோனேசிய மக்களவை
• இந்தோனேசிய அரசமைப்புச் சட்டம்
• இந்தோனேசிய தேசிய சின்னம்

• பொதுவகத்தில் இந்தோனேசிய நாடாளுமன்ற வளாகம் தொடர்பாக ஊடகக் கோப்புகள் உள்ளன.
• History of the DPR/MPR Building
• Occupation of the DPR/MPR Building
• Ex-Reform activist: No manipulation in the DPR/MPR building occupation