உசைன்சாகர் எக்ஸ்பிரஸ் (Hussainsagar Express) தெற்கு மத்திய ரயில்வேயினால், ஹைதராபாத்-மும்பைக்கிடையே செயல்படுபடும் முக்கிய ரயில்சேவை ஆகும். 1993 ஆம் ஆண்டின் மத்திய மாதங்களில் (7001 / 7002) தாதர், ஹைதராபாத் ஆகியவற்றிற்கு இடையே வாரம் இருமுறை செயல்படும் ரயில்சேவையாக தொடங்கப்பட்டது. விரைவிலேயே, 1994 ஆம் ஆண்டு தினசரி ரயில்சேவையாக (2101 / 2102) மாறியது. அப்போது மும்பையின் வி.டி நிலையத்துக்கும் செகந்திரபாத்திற்கும் இடையே இந்த ரயில்சேவை செயல்படும் என்று அறிவிக்கப்பட்டது. தற்போதும் தினசரி அதிவிரைவு ரயில்சேவையாக 2701/2702 என்ற எண்ணுடன் செயல்படுகிறது.
சொற்பிறப்பு
The Hussain Sagar Lake in Hyderabad
ஹைதராபத்தில் உள்ள உசைன் சாகர் ஏரியினை ‘ஹஸ்ரத் உசைன் ஷாஹ் வாலி’ 1562 ஆம் ஆண்டில் ஏற்படுத்தினார். அது இப்ராஹிம் குவ்லி குத்பு ஷாஹின் ஆட்சிக்காலம் ஆகும்.[1] முதலில் மைனர் எக்ஸ்பிரஸ் என்ற பெயருடன், செகந்திரபாத்தில் இருந்து மும்பைக்கு செயல்பட்டு வந்த இந்த ரயில்சேவை, உசைன் சாகரை கௌரவிக்கும் பொருட்டு ‘உசைன்சாகர் எக்ஸ்பிரஸ்’ என்று மாற்றப்பட்டது.
வண்டி எண்
12701 – மும்பை சிஎஸ்டி – ஹைதராபாத் டெக்கான் உசைன்சாகர் எக்ஸ்பிரஸ்[2]
12702 - ஹைதராபாத் டெக்கான் - மும்பை சிஎஸ்டி உசைன்சாகர் எக்ஸ்பிரஸ்[3]
இந்த ரயில்சேவை பயண தூரமான 429 மைல்களை (790 கிலோமீட்டர்) 13 மணி நேரம் மற்றும் 45 நிமிடங்களில், சராசரியாக மணிக்கு 58.7 கிலோமீட்டர் வேகத்தில் கடந்துசெல்கிறது.
உசைன்சாகர் எக்ஸ்பிரஸ் WCM எஞ்சின் உதவியுடன் இழுக்கப்பட்டது, அதேபோல் மும்பை மற்றும் புனே இடையே WCAM3 / WCG2 உதவியுடனும், புனேயில் DC நிலையிலிருந்து AC ஆக மாற்றப்பட்டதில் இருந்து WDM3A டீசல் எஞ்சின் உதவியுடனும் இழுக்கப்பட்டுக் கொண்டிருந்தது. 2013 ஆம் ஆண்டின் மத்திய மாதங்களில் இருந்து இந்த எஞ்சின்கள் மாற்றப்பட்டன. தற்போது மத்திய ரயில்வேயின் கல்யாண் WDM3A/D அல்லது WDG 3 உதவியுடன் செகந்திரபாத்தில் இருந்து மும்பை சிஎஸ்டி வரையிலான பயணம் முழுவதும் ஒரே எஞ்சின் மூலம் செயல்படுகிறது.
_Express_Route_map.jpg)
