கரிமப் பொருட்களைப் பெயரிடுதல்

கரிமப் பொருட்களைப் பெயரிடுதல் (Organic nomenclature) என்பது கரிம வேதியியல் சேர்மங்களின் பெயரிடும் முறையை விளக்குவதாகும். ஆங்கிலத்தில் கரிமங்களின் பெயர்களைப் பன்னாட்டு தனி மற்றும் பயன்பாட்டு வேதியியல் ஒன்றியம் முறையாக வகுத்தளித்துள்ளது.^[1] இக்கட்டுரையில் கரிமப்பொருட்களின் தமிழ்ப் பெயர்களையும், முறைப்படுத்தப்பட்ட ஆங்கிலப்பெயர்களையும் காணலாம்.

பல்வேறு வகையான கரிமச் சேர்மங்களுக்கும் பொதுவான ஒரு பெயரிடுவதற்காக, அடிப்படை மற்றும் பயன்சார்ந்த வேதியியலின் பன்னாட்டு சங்கம் (ஐயுபிஏசி) சில விதிமுறைகளை வகுத்துள்ளது, எந்தவொரு மூலக்கூற்று அமைப்பு கொடுக்கப்பட்டாலும் அதற்கு ஒரேயொரு ஐயுபிஏசி பெயர் மட்டுமே சூட்டமுடியும் என்பது இப்பெயரிடும் முறையின் மிகமுக்கியமான மற்றும் சிறப்பான அம்சம் ஆகும். இம்முறையில் சூட்டப்பட்ட ஒரு பெயர் ஒரேயொரு மூலக்கூற்று அமைப்பையே குறித்துக்காட்டும்.

ஐயுபிஏசி முறையில் பெயரிடுகையில் ஒவ்வொரு கரிமச்சேர்மமும் பொதுவாக இரண்டு அல்லது மூன்று பகுதிகளாகப் பிரிக்கப்படுகின்றன.

அவை:-

1.முன்னொட்டு (துவக்கும் சொல்)
2.அடிப்படைச் சொல்
3.பின்னொட்டு (முடியும் சொல்)

அடிப்படைச் சொல்லுக்கு முன்னால் வரவேண்டிய பெயரின் பகுதி முன்னொட்டு எனப்படுகிறது. முன்னொட்டு இரண்டு வகைப்படும். அவை 1. முதலாம்நிலை முன்னொட்டு. 2. இரண்டாம் நிலை முன்னொட்டு என்பனவாகும்.. வளைய மற்றும் வலையமிலா என்பவை முதலாம்நிலை முன்னொட்டுகளாகும். இவை ஒரு சேர்மத்தின் அடிப்படைச் சொல்லுக்கு முன் சேர்த்து அழைக்கப்படுகின்றன.

ஐயுபிஏசி விதிமுறையின்படி சில தொகுதிகள், வேதிவினைத் தொகுதிகளாகக் கருதப்படுவதில்லை. மாறாக இவை ’பதிலி’ கள் எனக் கருதப்படுகின்றன. இத்தகைய தொகுதி அல்லது பதிலிகளைக் குறித்துக் காட்ட இரண்டாம் நிலை முன்னொட்டு பயன்படுத்தப்படுகிறது. அவை:

மேலே குறிப்பிடப்பட்டுள்ள பதிலிகள் அல்லது பக்கச் சங்கிலிகள் அடிப்படைச் சொல்லுடன் முன்னொட்டாகச் சேர்க்கப்படுகின்றன.

கரிமச் சேர்மங்களின் அமைப்பில், கார்பன் அணுக்கள் நேர் வரிசை அல்லது தொடர் சங்கிலிகளாக இருக்கும் முறையினைக் குறிக்கப் பயன்படுவன அடிப்படை அலகுகளாகும். ஒன்று முதல் நான்கு வரை எண்ணிக்கை கொண்ட கார்பன் அணுக்களின் பெயர்களுக்கு சிறப்பு அடிப்படைச் சொற்களும் ஐந்துக்கு மேல் கார்பன் அணுக்களின் எண்ணிக்கை உடையனவற்றின் பெயருக்கு கிரேக்க அல்லது இலத்தீன் மொழியில்.எண்களைக் குறிக்கும் பெயரும் பயன்படுத்தப்படுகின்றன.

பின்னொட்டுகள் இரண்டு வகைப்படும். அவை,

• முதலாம் நிலை பின்னொட்டு
• இரண்டாம் நிலை பின்னொட்டு

ஒரு சேர்மம் நிறைவுற்றதா அல்லது நிறைவுறாததா என்பதைக் குறிக்க அடிப்படைச் சொல்லுடன் சேர்க்கப்படும் சொற்கள் முதலாம் நிலை முன்னொட்டுகள் எனப்படும். சில முதலாம் நிலை முன்னொட்டுகள்,

குறிப்பு:* டையீன் மற்றும் டைஐன் என்ற முதலாம்நிலை பின்னொட்டுகள் ’ட’ என்ற ஒலியுடன் துவங்குவதால் அடிப்படைச் சொல்லோடு மேலும் ஒரு ”ஆ” சேர்க்கப்படுகிறது.

கரிமச்சேர்மங்களுக்கான பெயரிடலில் முதலாம்நிலை பின்னொட்டுகளை அடுத்து இரண்டாம்நிலை பின்னொட்டுகள் சேர்க்கப்படுகின்றன. இவை கரிமச்சேர்மங்களில் காணப்படும் வேதி வினைத் தொகுதிகளை காட்டுகின்றன. வினைத் தொகுதிகளைக் காட்டும் பின்னொட்டுகள் கீழே காட்டப்பட்டுள்ளன.