கர்நாடக மாநில நாள்

கர்நாடக ராஜ்யோத்சவா ; ಕರ್ನಾಟಕ ರಾಜ್ಯೋತ್ಸವ
	மாநில நாளன்று டொல்லு குனிதா என்ற பாரம்பர்ய நடனமாடும் பெண்கள்
பிற பெயர்(கள்)	கன்னட ராஜ்யோத்சவா, கர்நாடகம் உருவான நாள்
கடைப்பிடிப்போர்	இந்தியாவிலும் வெளிநாட்டிலும் உள்ள கன்னடியர்கள்
வகை	மாநிலம்
முக்கியத்துவம்	தென்னிந்தியாவில் கன்னடம் பேசப்படும் பகுதிகளை ஒருங்கிணைத்து கர்நாடக மாநிலம் உருவாதல்
கொண்டாட்டங்கள்	கன்னடக் கொடியை ஏற்றுதல், ஊர்வலங்கள், பண்பாட்டு நிகழ்ச்சிகள், ராஜ்யோத்சவா விருதுகள்
நாள்	நவம்பர் 1

கர்நாடக மாநில நாள் (Karnataka Formation Day) அல்லது (கர்நாடக/கன்னட மாநிலம் உருவான நாள் என்று பொருள்படும்) கர்நாடக / கன்னட ராஜ்யோத்சவா (கன்னடம்: ಕನ್ನಡ ರಾಜ್ಯೋತ್ಸವ) ஒவ்வொரு ஆண்டும் நவம்பர் 1 அன்று கொண்டாடப்படுகிறது. கன்னட மொழி பேசும் தென்னிந்தியாவின் பகுதிகளை ஒருங்கிணைத்து இதே நாளில் 1956ஆம் ஆண்டு கர்நாடக மாநிலம் உருவானதை இந்நாள் கொண்டாடுகிறது.^[3]

கொண்டாட்டங்கள்

கர்நாடக மாநிலத்தில் இந்த நாள் பொது விடுமுறை நாளாக அறிவிக்கப்பட்டுள்ளது.^[4] மேலும் உலகெங்கும் உள்ள கன்னடியர்களும் இந்த நாளில் சிறப்பு நிகழ்ச்சிகளை ஒருங்கிணைத்து கொண்டாடுகிறார்கள்.^[1] மாநில முதல்வரும் ஆளுனரும் கன்னடக் கொடியை ஏற்றி உரையாற்ற கர்நாடக மாநில அரசு ராஜ்யோத்சவா விருதுகளை வழங்குவதுடன் ^[5] சமூக விழாக்கள், இசைக்குழுக்கள், கன்னட நூல்கள் வெளியீடு, பண்பாட்டு நிகழ்ச்சிகள் போன்றவற்றிற்கு ஏற்பாடு செய்கிறது.^[6]