கி. கிருஷ்ணமூர்த்தி

கிருஷ்ணசாமி கிருஷ்ணமூர்த்தி (சூலை 1, 1944 - சனவரி 16, 2019) ஓர் இந்திய அரசியல்வாதியும், முன்னாள் நாடாளுமன்ற உறுப்பினரும் மற்றும் சட்டமன்ற உறுப்பினரும் ஆவார்.^[1]

இவர் சூலை 1, 1944 ஆம் ஆண்டு தஞ்சாவூர் மாவட்டம், கும்பகோணத்தில் கிருஷ்ணசாமி என்பவருக்கு மகனாகப் பிறந்தார். கும்பகோணம் அரசு கல்லூரியில் பட்டப்படிப்பு முடித்த இவர், சென்னை சட்டக் கல்லூரியில் பயின்று பட்டம் பெற்றார்.

இவா் 1984 முதல் 1988 வரை தமிழ்நாடு சட்டமன்றத்தில் உறுப்பினராக பணியாற்றினார். 1998 இல், மயிலாடுதுறை மக்களவை தொகுதியிலிருந்து, தமிழ் மாநில காங்கிரஸ் வேட்பாளராக தேர்தலில் போட்டியிட்டு, வெற்றிபெற்றார்.

இவா் மல்லிகா என்பவரை செப்டம்பர் 8, 1975 ஆம் ஆண்டு திருமணம் செய்து கொண்டார். இவர்களுக்கு இரு மகள்கள் உள்ளனர்.