குகுவா புதைபடிவ பூங்கா

குகுவா புதைபடிவ பூங்கா Ghughua Fossil Park
வகை	தேசிய பூங்கா
அமைவிடம்	மத்தியப் பிரதேசம், இந்தியா
ஆள்கூறு	23°6′38″N 80°36′51″E / 23.11056°N 80.61417°E / 23.11056; 80.61417
பரப்பளவு	75 ஏக்கர்கள் (0.30 km2)[1]

குகுவா புதைபடிவப் பூங்கா (Ghughua Fossil Park) என்பது இந்தியாவின் மத்தியப் பிரதேசத்தில் உள்ள ஷாபுராவுக்கு அருகில் அமைந்துள்ள தேசியப் பூங்கா ஆகும், இப்பூங்காவில் 18 குடும்பத்தினைச் சார்ந்த 31 வகை தாவர புதைபடிவங்கள் அடையாளம் காணப்பட்டுள்ளன.^[2]

மண்டலா மாவட்டத்தின் புள்ளியியல் அதிகாரியும், மாவட்ட தொல்லியல் பிரிவின் கௌரவ செயலாளருமான முனைவர் தர்மேந்திர பிரசாத் அவர்களால் 1970களில் இப்பூங்கா நிறுவப்பட்டது. இது 1983-ல் தேசிய பூங்காவாக அறிவிக்கப்பட்டது.^[3] இந்த பூங்காவில் ஏராளமான தாவரங்கள், இலைகள், பழங்கள், விதைகள் மற்றும் ஓடு படிமங்கள் காணப்படுகின்றன, இவற்றில் சில 65 மில்லியன் ஆண்டுகளுக்கு முந்தயவை.^[3] இவற்றில் மிக முக்கியமானவை பனை புதைபடிமங்கள்.^[2]

குகுவாவில் கண்டுபிடிக்கப்பட்ட தைல மரம் புதைபடிமமானது இதுவரை கண்டுபிடிக்கப்பட்ட வகைகளில் மிகப் பழமையான புதைபடிமமாகும். மேலும் இது கோண்டுவானாவிலில் இதன் தோற்றத்தை ஆதரிக்கிறது.^[4] கூடுதல் குறிப்பிடத்தக்கக் கண்டுபிடிப்புகளில் ஒரு டைனோசர் முட்டை படிமம் அடங்கும்.^[5]

குகுவா புதைபடிவ பூங்கா தேசிய நெடுஞ்சாலை 11க்கு அருகில் அமைந்துள்ளது. இது சாகாபுராவிலிருந்து 14 கி.மீ. தொலைவிலும் ஜபல்பூரிலிருந்து 76 கி.மீ. தொலைவிலும் அமைந்துள்ளது.^[2]

• சிவாலிக் படிவப் பூங்கா
• தேசிய கல் மர பூங்கா, திருவக்கரை