தலைமுறைகள் (திரைப்படம்)

தலைமுறைகள் (Thalaimuraigal) பாலு மகேந்திராவின் இயக்கத்தில் 2013 இல் வெளியான தமிழ்த்திரைப்படம்.^[1] இத்திரைப்படத்தினை எம். சசிகுமார் தயாரித்துள்ளார். இத்திரைப்படம் இளையராஜவின் இசையில்^[2], பாலு மகேந்திராவின் எழுத்து, ஒளிப்பதிவு, படத்தொகுப்பு, இயக்கத்தில் 2013 இல் இத்திரைப்படம் வெளியானது.

தலைமுறை என்னும் இடைவெளிகளைத் தாண்டிய நிலையில் ஒரு தாத்தாவுக்கும் பேரனுக்குமான உறவையும் அன்பையும் சொல்கின்றது இத்திரைப்படம். திடுக் திருப்பங்கள் இல்லாமல் பாடல்கள் இல்லாமல், வழவழப்பான நகைச்சுவை இல்லாமல், சண்டைகள் இல்லாமல் எளிய மானுடர்களின் வாழ்வை, உறவுகளின் உன்னதத்தை ரசிகர்களுக்கு உயிர்ப்புடன் கடத்தியுள்ளார் இயக்குநர் பாலு மகேந்திரா.^[3]

• சசிகுமார் சுப்பிரமணி - சிவராமனாக
• இரம்யா சங்கர்- ஸ்டெல்லாவாக
• வினோதினி
• மாஸ்டர் கார்த்திக்-ஆதித்யாவாக
• பாலு மகேந்திரா-சுப்புவாக
• சசிகுமார்-மதிப்புறுத்தோற்றத்தில்

படத்தில் பாலுமகேந்திரா அவர்களே முதன்மைக் கதைப்பாத்திரமாக நடித்திருக்கிறார், தமிழ்திரையில் இப்படியொரு கதைப்பாத்திரத்தை இதன் முன்பு நான் கண்டதேயில்லை, பாலுமகேந்திரா பிரமாதப்படுத்தியிருக்கிறார், கண்கலங்க வைக்கும் நடிப்பு என்கிறார் எஸ். இராமகிருஷ்ணன் .^[4]

• இணையதள திரைப்பட தரவுத்தளத்தில் தலைமுறைகள் (திரைப்படம்)