திருவனந்தபுரம் மெயில்

திருவனந்தபுரம் மெயில் (Thiruvananthapuram Mail) நாள்தோறும் இயக்கப்படும் ஒரு அதிவேக விரைவுத் தொடருந்து ஆகும். இது கேரளா மாநிலத்தின் தலைநகரான திருவனந்தபுரத்திற்கும், தமிழ்நாட்டின் தலைநகரான சென்னைக்கும் இடையில் இயக்கப்படுகிறது. ^[1] இந்திய ரயில்வேயின் கீழ் இயங்கும் தெற்கு ரயில்வேயின் முக்கியத் தொடருந்து சேவைகளுள் திருவனந்தபுரம் மெயிலும் ஒன்று. இது கோட்டயம் வழியே செயல்படுகிறது. இது இந்தியாவின் ஆறு முக்கிய நகரங்களை (திருவனந்தபுரம், கொல்லம், கொச்சி, திருச்சூர், கோயம்புத்தூர் மற்றும் சென்னை) இணைக்கிறது.

திருவனந்தபுரம் மெயில் 1940 ஆம் ஆண்டு 19/20 என்ற வண்டி எண்ணுடன் சென்னை-கொச்சி துறைமுக முனையம் விரைவுவண்டியாக அறிமுகப்படுத்தப்பட்டது. ஆரம்பத்தில் சென்னைக்கும் கொச்சி துறைமுகத்துக்கும் இடையே செயல்பட்டு, பின்னர் சென்னை – கொச்சி துறைமுகம் மெயில் என்று பெயர் மாற்றம் செய்யப்பட்டு செயல்பட்டது. 1961 ஆம் ஆண்டு இந்த ரயில்சேவைக்கு டீசல் இன்ஜின் வழங்கப்பட்டது. திருவனந்தபுரம் சென்ட்ரல் ரயில்நிலையம் வரை கோட்டயம் வழியிலான தொடருந்து வழித்தடம் நீட்டிக்கப்பட்டதைத் தொடர்ந்து திருவனந்தபுரம் சென்ட்ரல் ரயில் நிலையம் வரை இதன் சேவை விரிவுபடுத்தப்பட்டது.

1. திருவனந்தபுரம்
2. கொல்லம்
3. காயங்குளம்
4. மாவேலிக்கரை
5. செங்கன்னூர்
6. சங்கனாச்சேரி
7. கோட்டயம்
8. எர்ணாகுளம்
9. ஆலுவா
10. திருச்சூர்
11. பாலக்காடு
12. கோயம்பத்தூர்
13. ஈரோடு
14. சேலம்
15. காட்பாடி
16. சென்னை சென்ட்ரல்

^[2]

நம்பர்.20 மெட்ராஸ் மெயில் என்ற மலையாளத் திரைப்படம் 1990 ஆம் ஆண்டு வெளியானது. இத்திரைப்படத்தின் பெரும்பாலான காட்சிகள் திருவனந்தபுரம் மெயிலில் எடுக்கப்பட்டவை.

24 ரயில் பெட்டிகளைக் கொண்டு திருவனந்தபுரம் மெயில் எக்ஸ்பிரஸ் செயல்படுகிறது. இதன் அமைப்பு முறை பின்வருமாறு:

L – SLR – GEN –GEN - S12 – S11 – S10 – S9 – S8 – S7 – S6 – S5 – S4 – S3 – S2 – S1 – B4 – B3 – B2 – B1 – A2 – A1 – HA1 – GEN - SLR

சுமார் 16 மணி நேரத்தினை பயண நேரமாகக் கொண்டுள்ள திருவனந்தபுரம் மெயிலானது 919 கிலோ மீட்டர் தூரத்தினை மணிக்கு 57 கிலோ மீட்டர் வேகத்தில் கடக்கிறது. இதில் சரக்கு சம்பந்தப்பட்ட வசதிகள் இல்லை, ஆனால் உணவு வழங்கும் வசதிகள் உள்ளன. இதேபோல் திரும்பி வரும்போது பயண நேரம் 16 மணி நேரம் மற்றும் 40 நிமிடங்களைக் கொண்டுள்ளது. இதற்கு காரணம் திருவனந்தபுரத்தில் இருந்து சென்னை நோக்கி செயல்படும்போது மணிக்கு 55 கிலோ மீட்டர் வேகத்தில் செயல்பட்டு 919 கிலோ மீட்டரை அடைவதே ஆகும். ^{[3] [4]}

1. ↑ "Southern Railway". sr. indian railways.
2. ↑ "Trivandrum Mail (12623)". cleartrip.com. Archived from the original on 2015-06-11.
3. ↑ "Train Time Table". india rail info.
4. ↑ "Train Time Table". india rail info.