துர்கா பிரசாத் யாதவ்

துர்கா பிரசாத் யாதவ் (Durga Prasad Yadav) என்பவர் இந்திய அரசியல்வாதியும் உத்தரப்பிரதேசத்தின் சட்டமன்ற உறுப்பினரும் ஆவார். இவர் உத்தரப்பிரதேசத்தின் முன்னாள் போக்குவரத்துத் துறை அமைச்சராகவும், வனத்துறை அமைச்சராகவும் இருந்தவர். இவர் உத்தரப்பிரதேசத்தின் ஆசம்கர் தொகுதியைப் பிரதிநிதித்துவப்படுத்துகிறார். யாதவ் சமாஜ்வாதி கட்சியின் உறுப்பினராக உள்ளார்.^[2]

யாதவ் 1954ஆம் ஆண்டு சனவரி 12ஆம் தேதி உத்தரப்பிரதேச மாநிலம், ஆசம்கர் மாவட்டத்தில் உள்ள ஆகோபட்டியில் ராம் தியான் யாதவின் மகனாகப் பிறந்தார். இவர் 5 சூலை 1983-ல் சுமன் யாதவை மணந்தார். இவர்களுக்கு மூன்று மகன்கள் மற்றும் ஒரு மகள் உள்ளனர். இவர் 1981-ல் கோரக்பூர் பல்கலைக்கழகத்தின் கீழ் ஆசம்கரில் உள்ள சிப்லி தேசியக் கல்லூரியில் இளங்கலை கலைப் பட்டம் பெற்றார். 1991-ல் வீர் பகதூர் சிங் பூர்வாஞ்சல் பல்கலைக்கழகத்தின் கீழ் ஆசம்கர் சிப்லி தேசியக் கல்லூரியில் இளங்கலை சட்டப் பட்டம் பெற்றார்.^[3]

துர்கா பிரசாத் யாதவ் 1985ஆம் ஆண்டு முதல் சட்ட மன்ற உறுப்பினராக இருந்து வருகிறார். இவர் ஆசம்கர் தொகுதியிலிருந்து சமாஜ்வாதி கட்சியின் வேட்பாளராகப் போட்டியிட்டு வெற்றி பெற்று சட்டமன்ற உறுப்பினராக உள்ளார்.^[4] சமாஜ்வாதி கட்சியின் முக்கிய தலைவர்களில் இவரும் ஒருவர்.

• ஆசம்கர்
• இந்தியாவின் அரசியல்
• உத்தரபிரதேச சட்டமன்றம்