நிக்கோலசு அயில்வர்ட் விகோர்சு

நிக்கோலசு அயில்வர்ட் விகோர்சு (Nicholas Aylward Vigors)(1785 - 26 அக்டோபர் 1840) என்பார் அயர்லாந்து நாட்டு விலங்கியல் மற்றும் அரசியல்வாதி ஆவார். இவர் 19ஆம் நூற்றாண்டில் பிரபலமாக இருந்த குயினேரியன் முறையில் பறவைகளை வகைப்படுத்தினார்.

ஆரம்ப கால வாழ்க்கை

விகோர்ஸ் கவுண்டி கார்லோவின் ஓல்ட் லேலினில் பிறந்தார். ஆக்ஸ்போர்டின் டிரினிட்டி கல்லூரியில் படித்தார். 1809 முதல் 1811 வரை தீபகற்பப் போரின்போது இராணுவத்தில் பணியாற்றினார். பின்னர் ஆக்ஸ்போர்டுக்குத் திரும்பி, 1815 இல் பட்டம் பெற்றார். இங்கு இவர் பேரறிஞராகப் பயிற்சி பெற்று 1832இல் குடிமையியல் சட்டத்தில் முனைவர் பட்டம் பெற்றார்.^[1]

விலங்கியல்

விகோர்சு 1826இல் லண்டனின் விலங்கியல் சங்கத்தின் இணை நிறுவனராகவும், 1833 வரை அதன் செயலாளராகவும் இருந்தார். 1833ல் இலண்டனின் ராயல் பூச்சியியல் சங்கமாக மாறியது. இவர் லின்னேயன் சமூகத்திலும் அரச கழகத்தில் உறுப்பினராகவும் இருந்தார். இவர் 40 கட்டுரைகளை எழுதியுள்ளார். இவற்றில் முக்கியமான ஆய்வுகள் பறவையியல் குறித்தன. இவர் 110 வகையான பறவைகளை விவரித்துள்ளார். இது வரலாற்று ரீதியாக முதல் 30 பறவை ஆசிரியர்களில் ஒருவராக இவரைப் பட்டியலிட போதுமானது. ஜான் கோல்ட்டின் ஒரு நூற்றாண்டு இமயமலை மலை பறவைகள் (1830-32) என்ற நூலிற்குப் பங்களிப்புச் செய்துள்ளார்.

இவர் விவரித்த ஒரு பறவை "சபினின் ஸ்னைப்" என்பதாகும். இது 1895ல் பாரெட்-ஹேமில்டன் என்பவரால் ஒரு பொதுவான பறவையாகக் கருதப்பட்டது^[3] மேலும் 1926ஆம் ஆண்டு மெயினெர்ட்ஷாசென் ஆனால் 1945ல் வில்சன் ஸ்னைப் எனக்கருதப்பட்டது. தாமஸ் பெவிக் எழுதிய இங்கிலாந்து பறவைகளின் வரலாறு பதிப்பில் வீகர்ஸ் முக்கிய பங்காற்றினார்.^[4]

அரசியல்

விகோர்ஸ் 1828இல் தனது தந்தையின் தொகுதியில் வெற்றி பெற்றார். இவர் 1832 முதல் 1835 வரை கார்லோவின் பெருநகரத்திற்குப் நாடாளுமன்ற உறுப்பினராக இருந்தார். இவர் 1835 இல் கவுண்டி கார்லோ தொகுதியைப் பிரதிநிதித்துவப்படுத்தினார். கன்சர்வேடிவ் கட்சி நாடாளுமன்ற உறுப்பினர்கள் முதலில் 1835 ஐக்கிய இராச்சியம் பொதுத் தேர்தலில் திரும்பிய பின்னர் ஜூன் மாதம் நடந்த ஒரு இடைத்தேர்தலில் விகோர்ஸ் தேர்ந்தெடுக்கப்பட்டார். ஆகஸ்ட் 19, 1835 இல், இரண்டு உறுப்பினர் மாவட்டத் தொகுதியில் விகோர்ஸ் மற்றும் அவரது துணையானவர், தேர்வு செய்யப்படவில்லை. முன்னர் தேர்வு செய்யப்படாத அதே இரண்டு கன்சர்வேடிவ்களுக்கும் இடங்கள் வழங்கப்பட்டன. இவர்களில் ஒருவரின் மரணத்தின் பின்னர், விகோர்ஸ் 1837 இல் நடந்த இடைத்தேர்தலில் வெற்றி பெற்றார். மேலும் இவர் இறக்கும் வரை அந்த இடத்தை தக்க வைத்துக் கொண்டார்.