நீல வளையமுள்ள எண்காலி

நீல வளையமுள்ள எண்காலி
உயிரியல் வகைப்பாடு
திணை:	விலங்கு
தொகுதி:	மெல்லுடலி
வகுப்பு:	தலைக்காலி
வரிசை:	எண்காலி
குடும்பம்:	Octopodidae
துணைக்குடும்பம்:	Octopodinae
பேரினம்:	Hapalochlaena Robson, 1929
இனங்கள்
H. fasciata H. lunulata H. maculosa H. nierstraszi (?)

நீல வளையமுள்ள எண்காலி அல்லது நீல வளைய சாக்குக்கணவாய் (blue-ringed octopus) என்பது எண்காலி குடும்பத்தைச் சேர்ந்த கொடிய நஞ்சுள்ள கடல்வாழ் உயிரினம் ஆகும். இதில் உள்ள நான்கு இனங்கள் இருக்கின்றன. இவற்றின் உடலில் உள்ள நீல நிற வளையங்களால் இவை இப்பெயர் பெற்றன. இவ்வகை உயிரினங்கள் பசிபிக் பெருங்கடல் , இந்தியப் பெருங்கடல் பகுதியில் சப்பானில் இருந்து ஆத்திரேலியா வரையிலான கடல் பகுதியின் அலை குளங்கள், பவளப் பாறைகள் ஆகிய பகுதிகளில் காணப்படுகின்றன. இவற்றின் முதன்மை வாழிடப்பரப்பு என்பது நியூ சவுத் வேல்ஸ்,தெற்கு ஆஸ்திரேலியா, மற்றும் வடக்கு மேற்கு ஆஸ்திரேலியாவைச் சுற்றி உள்ளது.^[1][2] இவை உலகின் மிக ஆபத்தான கடல்விலங்காக குறிப்பிடப்படுகின்றன.^[3] இவை சிறியதாக 12 முதல் 20 cm (5 முதல் 8 அங்) அளவிலானவையாக உள்ளன. மேலும் ஒப்பீட்டளவில் மந்தமான இயல்புயவையாக உள்ளவை, இவற்றை தொடுவது மனிதர்களுக்கு ஆபத்தானது. இவற்றின் நஞ்சு, மனிதர்களைக் கொல்ல போதுமான சக்திவாய்ந்ததாக உள்ளது.