பாலையம்பட்டி

பாலையம்பட்டி
புறநகர்ப் பகுதி
பாலையம்பட்டி பாலையம்பட்டி, விருதுநகர் மாவட்டம், தமிழ்நாடு
ஆள்கூறுகள்: 9°32′13″N 78°05′59″E / 9.5370°N 78.0996°E / 9.5370; 78.0996
நாடு	இந்தியா
மாநிலம்	தமிழ்நாடு
மாவட்டம்	விருதுநகர்
ஏற்றம்	123.12 m (403.94 ft)
மக்கள்தொகை  (2011)
• மொத்தம்	18,576
மொழிகள்
• அலுவல்	தமிழ், ஆங்கிலம்
• பேச்சு	தமிழ், ஆங்கிலம்
நேர வலயம்	ஒசநே+5:30 (இ. சீ. நே.)
அஞ்சல் குறியீட்டு எண்	626112
புறநகர்ப் பகுதிகள்	அருப்புக்கோட்டை, கோபாலபுரம், கோவிலாங்குளம்
மக்களவைத் தொகுதி	விருதுநகர்
சட்டமன்றத் தொகுதி	அருப்புக்கோட்டை

பாலையம்பட்டி அல்லது "பாளையம்பட்டி" என்பது இந்தியாவில் தமிழ்நாடு மாநிலத்தின் விருதுநகர் மாவட்டத்திலுள்ள ஒரு புறநகர்ப் பகுதியாகும். ^[1]

கடல் மட்டத்திலிருந்து சுமார் 123.12 மீ. உயரத்தில், (9°32′13″N 78°05′59″E / 9.5370°N 78.0996°E / 9.5370; 78.0996) என்ற புவியியல் ஆள்கூறுகள் கொண்டு பாலையம்பட்டி அமையப் பெற்றுள்ளது.

பாலையம்பட்டி

பாலையம்பட்டி (தமிழ்நாடு)

2011-ஆம் ஆண்டு மக்கள்தொகை கணக்கெடுப்பின் அடிப்படையில், பாலையம்பட்டி ஊரின் மொத்த மக்கள்தொகை 18,576 பேர் ஆகும்.^[2]

இராமநாதபுரம் சமசுதானத்திலிருந்த 14 ஜமீன்களில் ஒன்றான பாலையம்பட்டி ஜமீன் (முன்பு ஒரு பாளையத்திற்குத் தலைமையிடமாக இப்பகுதி இருந்ததால் பாளையம்பட்டி என்று அழைக்கப்பட்டது) அரண்மனை மண்டபம் ஒன்றைக் கொண்டிருந்தது. பிற்காலத்தில், பல ஆண்டுகளாக இந்த அரண்மனை மண்டபம் சிதிலமடைந்து இருந்ததால், சுமார் ரூ.2 கோடி செலவில் இப்போது புனரமைக்கப்பட்டு பழமை மாறாமல் உள்ளது.^[3]

தமிழ்நாடு அரசின் இந்து சமய அறநிலையத் துறை கட்டுப்பாட்டில் பராமரிக்கப்படும் ஆயிர வைசிய காசுக்கார செட்டி நீராவி விசுவநாத சுவாமி கோயில் என்ற சிவன் கோயில் ஒன்று பாலையம்பட்டி ஊரில் அமைந்துள்ளது.^[4]

பாலையம்பட்டி பகுதியானது, அருப்புக்கோட்டை (சட்டமன்றத் தொகுதி) வரம்புக்கு உட்பட்டதாகும். மேலும் இப்பகுதி, விருதுநகர் மக்களவைத் தொகுதி சார்ந்தது.^[5]