பிரியங்கா நல்காரி

பிரியங்கா நல்காரி
2018 சனவரியில் ஒரு தொலைக்காட்சி நிகழ்ச்சியில் பிரியங்கா
தேசியம்	இந்தியர்
பணி	நடிகை வடிவழகி
செயற்பாட்டுக் காலம்	2014–தற்போதும்
அறியப்படுவது	ரோஜா (2018 - 2022)

பிரியங்கா நல்காரி என்பவர் ஒரு தமிழ் தெலுங்கு மொழித் தொலைக்காட்சிகளிலும் திரைப்படங்களிலும் நடிக்கும் இந்திய நடிகையாவார். சன் தொலைக்காட்சி ரோஜா தொலைக்காட்சித் தொடரில் முக்கிய பாத்திரத்தில் நடித்ததன் மூலம் மிகவும் பிரபலமானார். ^{[1] [2][3] [4][5]}

பிரியங்கா நல்காரி ஐதராபாத்தில் பிறந்தார். ராகுல் வர்மா என்ற தொழிலதிபரை நீண்ட காலமாக காதலித்து வந்தார், 23 மார்ச் 2023 ^[6]அன்று எளிமையான முறையில் மலேசியா பத்துமலை முருகன் கோவிலில் நடந்தது.^[7] பெற்றோர்கள் இல்லாது திருமணம் செய்து கொண்டதால் பலர் விமர்சித்தனர். இதை பற்றி பிரியங்கா இன்சுட்டாகிராமில் எனது பெற்றோரின் சம்மதத்தைப் பெற்றதாகவும், ராகுலின் பெற்றோர் இந்த திருமணத்தில் மகிழ்ச்சியடையவில்லை என்று கூறினார்.^[6]

2010 இல், சந்திர சித்தார்த்தா இயக்கிய அந்தரி பந்துவாயா என்ற தெலுங்குத் திரைப்படத்தின் மூலம் அறிமுகமானார். ரவி தேசா நடித்த கிக் 2 (2015) திரைப்படத்திலும் இவர் அங்கீகரிக்கப்படாத பாத்திரத்தில் நடித்தார். காஞ்சனா 3 (2019) பிரியங்கா நல்கரி நடித்த முதல் சிறப்பு திரைப்படமாகும். 2018 ஆம் ஆண்டில், ரோஜா என்ற தமிழ் தொலைக்காட்சித் தொடரில் நடித்ததன் மூலம் மிகவும் பிரபலமானார். முன்னதாக, ஈடிவி தெலுங்கில் ஒளிபரப்பான மேகமாலா என்ற தெலுங்கு தொலைக்காட்சித் தொடரில் நடித்தார். இவர் அனுபவிஞ்சு ராஜா என்ற நகைச்சுவை உண்மைநிலை நிகழ்ச்சியிலும் இடம்பெற்றுள்ளார். சிவா மனசுலோ சுருதி (2012) என்ற தெலுங்குத் திரைப்படத்தில் சுதீர் பாபுவின் சகோதரி பாத்திரத்தில் நடித்தார்.^{[சான்று தேவை]} ரோஜா தமிழ் தொலைக்காட்சித் தொடர் முடிவுக்கு வந்த பிறகு சீதா ராமன் தொடரில் நடித்தார், 2023 சூலை சீதா ராமன் தொடரிலிருந்து வெளியேறினார், தனக்கு திருமணமானதால், கணவருடன் நேரத்தை செலவிட விரும்புவதாகவும், வெளிநாட்டில் கணவருடன் தங்கியிருப்பதால் சீதா ராமன் படப்பிடிப்பிற்கு வந்து செல்ல முடியவில்லை என்று கூறினார். ^[8][9] செப்டம்பர் மாதம் என்ற நள தமயந்தி தொடரில் நடிக்க ஒப்பந்தமிட்டார், இதில் தற்போது நடித்து வருகிறார். ^[10]