புளுட்டோனியம் போரைடு

புளுட்டோனியம் போரைடு (plutonium boride) என்பது புளுட்டோனியமும் போரானும் நேரடியாக வெற்றிடச் சூழலில் குறைக்கப்பட்ட அழுத்தத்தில் வினைபுரிந்து உண்டாகும் ஒரு கனிம வேதியியல் சேர்மமாகும்.

TiB, ZrB மற்றும் HfB சேர்மங்களைப் போல ${\displaystyle 1200^{\circ }}$ செல்சியசு வெப்பநிலையில் 40 முதல் 70 சதவீத போரான் சேர்ந்துள்ள புளுட்டோனியம் போரைடு உருவாவதாகவும், அதில் Pu-B பிணைப்பு நீளம் 2.46 Å மற்றும் NaCl படிக அமைப்புடனும் காணப்படும் என்றும் கருதப்படுகிறது.^[1] புளுட்டோனியம் போரைடின் இருப்பு குறித்து பல்வேறு எதிர்ப்புகள் தோன்றி விவாதிக்கப்பட்டு வருகின்றன^[2]

${\displaystyle 800^{\circ }}$செல்சியசு வெப்பநிலையில் PuB₂ உருவாகிறது. மற்ற இருபோரைடுகள் போலவே புளுட்டோனியம் இருபோரைடும் படிக அமைப்பைக் கொண்டுள்ளது.

${\displaystyle 1200^{\circ }}$ செல்சியசு வெப்பநிலையில் 70 முதல் 85 சதவீத அளவு போரானுடன் சேர்ந்தால் PuB₄ மற்றும் PuB₆ போரைடுகளின் கலவை உண்டாகிறது. வெப்பநிலை அதிகரிக்கும் போது PuB₆ அதிகமாக உருவாகிறது. PuB₄ சேர்மம் UB₄ சேர்மத்தைப்போல நான்முக அமைப்பையும், PuB₆ , CaB₆, LaB₆ சேர்மங்கள் போல கனசதுர அமைப்பையும் கொண்டுள்ளன^[1].

PuB₁₀₀ என்ற போரைடு மிகவும் குறிப்பிடத்தக்க விவாதங்களுக்கு இடமளித்துள்ளது. இதன் இருப்பு போரான் மாசடைதலின் முக்கியத்துவத்தை விளக்குகிறது. போரைடுகள் 1 சதவீத மாசு அடைந்திருந்தாலும் அவற்றின் படிக வடிவங்கள் மாறுபடுகின்றன.