பெங்களூரு மா இராமமூர்த்தி

மா இராமமூர்த்தி (Ma Ramamurthy) இந்தியாவைச் சேர்ந்த எழுத்தாளர், பத்திரிகையாளர் மற்றும் கன்னட ஆர்வலர் என்று பன்முகங்களுடன் அறியப்படுகிறார்.^[1] கன்னட வீர சேனானி என்றும் அழைக்கப்படும் இவர் 1918-1967 காலப்பகுதியில் வாழ்ந்தார். 1960 ஆம் ஆண்டுகளில் கன்னட இயக்கத்தின் தளபதியாக பெரும்பாலும் இவர் கருதப்படுகிறார். இராமமூர்த்தி சிவப்பு-மஞ்சள் நிறத்தில் கன்னட கொடியை வடிவமைத்ததில் பெயர் பெற்றார். கர்நாடகாவின் கிழக்கு பெங்களூரில் உள்ள இராமமூர்த்தி நகர் இவரது நினைவாக பெயரிடப்பட்டது.^[2][3] 'கன்னட வீர சேனானி' என்றும் இவருக்கு பெயர் சூட்டப்பட்டது. 1950 மற்றும் 1960 ஆம் ஆண்டுகளில் ஏ.என்.கிருட்டிணா ராவ் மற்றும் பலர் தலைமையில் கன்னட இயக்கத்தை முன்னணியில் இருந்து இராமமூர்த்தி வழிநடத்தினார்.^[4]

1918 ஆம் ஆண்டு மார்ச் மாதம் 11 ஆம் தேதி அன்று நஞ்சன்கூடில் ஒரு பிராமண குடும்பத்தில் மா இராமமூர்த்தி பிறந்தார். இவருடைய தந்தை வீரகேசரி சீதாராம சாசுத்திரி ஒரு குறிப்பிடத்தக்க சுதந்திரப் போராட்ட வீரர் மற்றும் இலக்கியவாதியாவார்.^[5]

இவரை நினைவுகூரும் வகையில் பெங்களூரில் உள்ள ஒரு பகுதிக்கு இராமமூர்த்தி நகர் என்று பெயர் சூட்டப்பட்டது.^[2]