யோகியாகார்த்தா ஆடினின்கிராத்து அரண்மனை

யோகியாக்கார்த்தா அரண்மனை
யோகியாக்கார்த்தா அரண்மனை
	Kraton of Yogyakarta; Kraton Ngayogyakarta Hadiningrat
	யோகியாக்கர்த்தா அரண்மனையின் முகப்பு
	யோக்யகர்த்தாவில் அமைவிடம்
மாற்றுப் பெயர்கள்	கிராத்தின் யோகியா
பொதுவான தகவல்கள்
வகை	அரச அரண்மனை
கட்டிடக்கலை பாணி	சாவக கட்டிடக்கலை
இடம்	யோக்யகர்த்தா
நாடு	இந்தோனேசியா
ஆள்கூற்று	7°48′20″S 110°21′51″E / 7.805689°S 110.36406°E
தற்போதைய குடியிருப்பாளர்	ஆமெங்குபுவனோ X
கட்டுமான ஆரம்பம்	1755
நிறைவுற்றது	1756
கட்டுவித்தவர்	; ஆமெங்குபுவனோ மாளிகை
உரிமையாளர்	யோகியாக்கர்த்தா சுல்தான்
தொழில்நுட்ப விபரங்கள்
அளவு	1.4 எக்டேர்கள் (3.5 ஏக்கர்கள்)
வலைதளம்
	http://www.kratonjogja.id

யோகியாகார்த்தா ஆடினின்கிராத்து அரண்மனை (Kraton of Yogyakarta, இந்தோனேசியம்: Keraton Ngayogyakarta Hadiningrat, "கிராத்தொன் யோகியாக்கார்த்தா ஆடினின்கிராத்து"; சாவகம் : ꦏꦿꦠꦺꦴꦤ꧀ꦔꦪꦺꦴꦒꦾꦏꦂꦠꦲꦢꦶꦤꦶꦔꦿꦠ꧀) என்பது இந்தோனேசியா, யோகியாகர்த்த சிறப்பு பகுதி யோகியாக்கார்த்தாவில் அமைந்துள்ள ஒரு அரண்மனை வளாகம் ஆகும். இது யோக்யககர்த்தாவின் சுல்தான் மற்றும் அவரது குடும்பத்தினர் இருந்து வந்த இடம் ஆகும். இந்த வளாகம் ஜாவானிய பண்பாட்டு மையமாகும். இந்த வளாகத்தில் அரச கலைப்பொருட்களைக் கொண்டுள்ள அருங்காட்சியகம் உள்ளது. இதை யோகயாகார்த்த கிராட்டன் கார்ட்ஸ் ( இந்தோனேசிய: பிரஜூரித் கெரட்டன் நாகயோகியகார்த்தா ஹாடினிங்கிராட் ) என அழைக்கப்படுகின்ற பாதுகாவலர்கள் பாதுகாத்து வருகின்றனர்.

வரலாறு

இந்த வளாகம் 1755-1756 ( ஏ.ஜே. 1682) ஆம் ஆண்டில் ஆயோகயகர்த்தாவின் முதல் சுல்தானான ஹமெங்க்குபுவோனோ I என்பவருக்காக கட்டப்பட்ட அரண்மனை ஆகும்.^[1] ஜியாந்தி ஒப்பந்தத்தில் கையெழுத்திட்ட பிறகு மன்னர் மேற்கொண்ட செயல்களில் முதல் செயல் ஆகும்., இது டச்சு கிழக்கிந்திய கம்பெனியின் கீழ் யோககர்த்தா சுல்தான் ஆட்சி உருவானதை அங்கீகரித்தது. இரண்டு ஆறுகளுக்கு இடையில் அமைந்துள்ள ஆலமரக் காடு அமைந்துள்ள பகுதி அதன் பாதுகாப்பு கருதி அரண்மனைக்கான இருப்பிடமாகத் தேர்ந்தெடுக்கப்பட்டது.

ஜூன் 20, 1812 ஆம் நாளன்று பிரிட்டானிய அரசியலாளரும் ஜாவகத்தின் துணை ஆளுநருமாக இருந்த இசுடாம்போர்டு இராஃபிள்சு 1,200 பேர் கொண்ட பிரித்தானிய படையுடன் பெரிய அடரச நகரமான யோக்யகர்த்தாவைத் தாக்க வழிநடத்திச் சென்றார். அவர்கள் ஆங்கிலேயர்களை விட அதிகமாக எண்ணிக்கையில் இருந்தபோதிலும், ஜாவானியர்கள் அவர்களுடைய தாக்குதலை எதிர்கொள்ளும் நிலையில் தயாராக இல்லை. ஒரே நாளில் யோககர்த்தா வீழ்ந்தது. அரண்மனை தாக்கப்பட்டதோடு, எரிக்கப்பட்டது. மொத்தம் £ 15,000 (தற்போது, 000 500,000 மதிப்புடையது) மதிப்புள்ள தங்கம், நகைகள் மற்றும் நாணயங்கள் அவர்களால் கொள்ளையடிக்கப்பட்டன. இது ஜாவானிய நீதிமன்றத்தின் மீதான முதல் தாக்குதலாக அமைந்தது. இதன் காரணமாக சுல்தானகம் காலனித்துவ அதிகாரத்திற்கு அடிபணிய வேண்டிய நிலை ஏற்பட்டது.^[2] தற்போது காணப்படுகின்ற அரண்மனையின் பெரும்பகுதி சுல்தான் ஹமெங்க்குபுவோனோ VIII என்பவரால் கட்டப்பட்டது. இவர் 1921 ஆம் ஆண்டு முதல் 1939 ஆம் ஆண்டு வரை ஆட்சி செய்தார். மறுபடியும் இந்த அரண்மனை 1876 ஆம் ஆண்டு மற்றும் 2006 ஆம் ஆண்டுகளில் பூகம்பங்களுக்குப் பிறகு மீண்டும் மறுகட்டுமானம் செய்யப்பட்டது.^[3]

கட்டிடக்கலை

இந்த அரண்மனையின் முதன்மையான கட்டிடக் கலைஞர் சுல்தான் ஹமெங்க்குபுவானோ I ஆவார். இவர்தான் யோககர்த்தாவின் சுல்தானியம் எனப்படுகின்ற சுல்தானிய ஆட்சியை நிறுவினார். அவரது கட்டடக்கலை நிபுணத்துவம் டச்சு அறிவியலாளரான தியோடோர் காட்டியர் தாமஸ் பீகாட் என்பவரால் பாராட்டுப் பெற்றவர் ஆவார். லூசியன் ஆடம் அவரை சுரகர்த்தா சுல்தானியத்தை நிறுவிய பகுபுவோனா II என்பவரை ஒரு தகுதியான வாரிசு என நினைத்துக் கொண்டிருந்தார்.^[4] அரண்மனைக்கான வடிவமைப்பு என்பதானது பழைய நகரான யோக்யகர்த்தாவின் அடிப்படை வடிவமைப்பைப் பின்பற்றிய நிலையில் அமைந்திருந்தது.^[5] அது 1755-1756 ஆம் ஆண்டில் கட்டி முடிக்கப்பட்டது. பின்னர் மற்றொரு கட்டிடம் பின்னர் ஆட்சி செய்த யோய்கர்த்தாவின் சுல்தானால் கட்டப்பட்டது.

இந்த வளாகத்தில் தெற்கு கடற்கரையிலிருந்து மணலால் மூடப்பட்ட ஒரு முற்றமும், ஒரு முதன்மைக் கட்டிடமும், இரண்டாம் கட்டடமும் உள்ளன. கட்டிடங்கள் செமார் டினாண்டு பாணியில் ரெகோல் ^[6] என்ற ஒரு சுவரால் பிரிந்த வகையில் காணப்படுகின்றன.^[7] அரண்மனையில் உள்ள கதவு தடிமனான தேக்கு மரத்தால் செய்யப்பட்டதாகும். ஜாவானிய கட்டிடக்கலையில் ஒரு வாயிலுக்குப் பின்னால் (அல்லது முன்னால்) வழக்கமாக ஒரு இன்சுலேடிங் சுவர் ( ரென்டெங் அல்லது பதுரோனோ ) காணப்படுகிறது. சில இடங்களில் அது ஒரு தனித்துவமான, பாரம்பரிய ஆபரண வேலைப்பாடுகளைக் கொண்டு அமைந்துள்ளது.

வளாகத்தில் அமைந்துள்ள மர கட்டிடங்கள் ஒரு பாரம்பரிய ஜாவானிய கட்டடக்கலை பாணியில் உள்ளன. அவை தாவரங்கள், விலங்கினங்கள் அல்லது இயற்கை வடிவங்களால் அலங்கரிக்கப்பட்டுள்ளன. அவற்றில் வெளிநாட்டு தாக்கங்களும் (போர்த்துகீசியம், டச்சு மற்றும் சீனர்கள் ) காணப்படுகின்றன. கட்டிடங்கள் ஜாக்லோ v;என்று அழைக்கப்படுகின்ற வட்டாரக் கட்டுமான பாணியில் அமைந்துள்ளன.

ட்ரெப்சாய்டல் ஜாக்லோ கூரை என்பது பொதுவாக சிவப்பு அல்லது சாம்பல் சிங்கிள்ஸ், ஓடுகள் அல்லது துத்தநாகம் போன்றவற்றால் மூடப்பட்டிருக்கும். இதனை மத்திய தூண் ( சோகோ குரு எனப்படும் நான்கு முக்கிய தூண்கள் ) மற்றும் இரண்டாம் நிலை தூண்கள் தாங்குகின்றன. தூண்கள் பொதுவாக அடர் பச்சை அல்லது கருப்பு, மஞ்சள், வெளிர் பச்சை, சிவப்பு அல்லது தங்க வண்ணம் ஆகியவற்றைக் கொண்டு அமைந்துள்ளன. மற்ற மர கட்டுமானக் கூறுகள் தூண்களின் நிறத்தோடு பொருந்தி வரும் அமையில் அமைக்கப்பட்டுள்ளன.

கல் பீடத்திற்கு ( ஓம்பக் ), கருப்பு நிறம் தரப்படுகிறது. தங்க அலங்காரம் அதில் காணப்படுகிறது. கட்டிடத்தின் சுவர்கள் மற்றும் வளாகத்தில் பெரும்பாலாக வெண்மை நிறம் பூசப்பட்டுள்ளது. தளம், பொதுவாக வெள்ளை பளிங்கு அல்லது வடிவமைக்கப்பட்ட ஓடுகளைக் கொண்டு அமைந்துள்ளது. அது மணல் முற்றத்தை விட சற்று உயர்ந்த நிலையில் உள்ளது. சில கட்டிடங்கள் உயர்ந்த முதன்மைத் தளத்தைக் கொண்டு அமைந்துள்ளன.^[8] மற்ற கட்டிடங்களில் சுல்தானின் சிம்மாசனத்திற்கு ஒரு சதுர கல் ( செலோ கிலாங் ) அமைக்கப்பட்டுள்ளது.

ஒவ்வொரு கட்டிடமும் அதன் பயன்பாட்டு அடிப்படையில் வகைப்படுத்தப்பட்டு அமைந்துள்ளது. முதன்மைக் கட்டிடத்தில் (சுல்தானால் பயன்படுத்தப்படுகிறது) கீழ் நிலைக் கட்டிடங்களைக் காட்டிலும் அதிகமான அலங்காரங்களைக் கொண்டு அமைந்துள்ளது. கீழ்நிலைக் கட்டடங்கள் எளிமையான அலங்காரத்தைக் கொண்டிருக்கின்றன அல்லது எந்த அலங்காரமும் இல்லாமல் உள்ளன.^[9]

நிகழ்ச்சிகள்

இந்த அரண்மனையில் கேமலன் (இசை), ஜாவானிய நடனம், மாகபட் (கவிதை) மற்றும் வயாங் (நிழல் பொம்மலாட்டம்) போன்ற நிகழ்ச்சிகள் நிகழ்த்தப் பெறுகின்றன.^[10]

பிரசித்தி பெற்ற பண்பாடு

தி அமேசிங் ரேஸ் 19 என்ற தொலைக்காட்சித் தொடரில் க்ராட்டன் நாகயோகியகார்த்தா ஹாடினிங்கிராட் இரண்டாவது இடத்தைப் பெற்றுள்ளது.^[11]

பிற அரண்மனைகள்

படத்தொகுப்பு

அரண்மனையின் முகப்பு
அரண்மனையின் மூலை
பெவிலியன்
அரண்மனை உச்சவரம்பு
செடான் நாற்காலி
கலைப்பொருட்கள்
முற்றம்
பெவிலியன்
உள் நீதிமன்றம்
ரெயிலிங்
விநாயகர்
பாதுகாவலர் சிலை
பிரதான பெவிலியன்
மர ஜாவானிய தூண்கள்
கேமலன் செயல்விளக்கம்
டோனோபிரடோனோ வாயில் மற்றும் பாதுகாவலர் சிலைகள்

குறிப்புகள்

↑ OBYEK PENELITIAN, http://elib.unikom.ac.id/
↑ When Raffles ran Java, Tim Hanningan, historytoday.com
↑ Kraton, yogyes.com
↑ Tulisan awal
↑ Kota ini memiliki batas utara Tugu Yogyakarta, timur Sungai Code, selatan Panggung Krapyak, dan barat Sungai Winongo.
↑ In Javanese, a regol is a large door or gate.
↑ Semar tinandu is a gate with a trapezoidal roof, like a joglo.
↑ Bangsal Witono and Bangsal Kencono
↑ Chamamah Soeratno et. al. and the book Murdani Hadiatmadja
↑ "Ragam | Karaton Ngayogyakarta Hadiningrat - Kraton Jogja". www.kratonjogja.id. Retrieved 2018-12-26.
↑ "'The Amazing Race' ousts two teams in special double elimination". Reality TV World. Retrieved 2018-12-26.

மேலும் படிக்க

Brongtodiningrat, K. P. H. (1975), The Royal Palace (Karaton) of Yogyakarta: Its Architecture and Its Meaning, Yogyakarta: Karaton Museum Yogyakarta, கணினி நூலகம் 12847099.
Dwiyanto, Djoko (2009), Kraton Yogyakarta: Sejarah, Nasionalisme & Teladan Perjuangan (in Indonesian), Yogyakarta: Paradigma Indonesia, ISBN 978-979-17834-0-8.{{citation}}: CS1 maint: unrecognized language (link)