லீஸ் மெயிட்னர்

This இக்கட்டுரை தனித்து விடப்பட்டக் கட்டுரை. வேறு எந்தக் கட்டுரையும் இக்கட்டுரையை இணைக்கவில்லை. தொடர்புடைய கட்டுரைகளுடன் இக்கட்டுரையை தயவு செய்து இணைக்கவும்; மற்றக் கட்டுரைகளுடன் இணைப்பதற்காக இணைப்பைத் தேடும் கருவியை பரிந்துரைக்காக பயன்படுத்திப் பாருங்கள். (ஏப்ரல் 2019)

லீஸ் மெயிட்னர்
1946 இல் லீஸ் மெயிட்னர்
பிறப்பு	7 நவம்பர் 1878 [1][2] வியன்னா, ஆத்திரியா-அங்கேரி
இறப்பு	27 அக்டோபர் 1968(1968-10-27) (அகவை 89) கேம்பிரிட்ச், இங்கிலாந்து
வாழிடம்	ஆஸ்திரியா, ஜெர்மனி, சுவீடன், ஐக்கிய ராச்சியம்
குடியுரிமை	ஆஸ்திரியா (1949 க்கு முன்னர் ), சுவீடன் (1949 க்குப் பின்னர்)
துறை	இயற்பியல்
பணியிடங்கள்	கெய்சர் வில்லெம் நிறுவனம் பெர்லின் பல்கலைக்கழகம், svenska (sv) இஸ்டாக்ஹோம் பல்கலைக்கழகம்
கல்வி கற்ற இடங்கள்	வியன்னா பல்கலைக்கழகம்
ஆய்வு நெறியாளர்	பிரான்ஸ் எஸ். எக்சனர்
ஏனைய கற்கை ஆலோசகர்கள்	லுட்விக் போல்ட்ஸ்மான் மேக்ஸ் பிளாங்க்
முனைவர் பட்ட  மாணவர்கள்	அர்னால்ட் பிளேமர்ஸ்ஃபெல்ட் கான் சாங்க் வாங் நிக்கோலாஸ் ரியேல்
ஏனைய குறிப்பிடத்தக்க மாணவர்கள்	மேக்ஸ் டல்பர்க் ஹான்ஸ் ஹெல்மன்
அறியப்படுவது	அணுக்கருப் பிளவு
பின்பற்றுவோர்	ஓட்டோ ஹான்
விருதுகள்	லீபன் பரிசு (1925) மேக்ஸ் பிளாங்க் பதக்கம் (1949) ஓட்டோ ஹான் பரிசு (1955) ராயல் கழக உறுப்பினர் (1955)[3] வில்லெம் எக்சனர் பதக்கம் (1960) என்ரிக்கோ பர்மி விருது (1966)
கையொப்பம்

லீஸ் மெயிட்னர் ( Lise meitner இடாய்ச்சு: [ˈmaɪtnɐ]  ; 7 நவம்பர் 1878 - 27 அக்டோபர் 1968) ஒரு ஆஸ்திரிய-சுவீடிய இயற்பியலாளர் ஆவார். கதிரியக்கம் மற்றும் அணு இயற்பியலில் ஆய்வுகள் செய்தவர். மெயிட்னர், ஓட்டோ ஹான் மற்றும் ஓட்டோ ராபர்ட் ஃப்ரிச் ஆகிய விஞ்ஞானிகள் தலைமையிலான சிறிய குழு, யுரேனியம் அணுக்கருவைப் பிளக்கும் போது அது கூடுதலாக நியூட்ரான்களை உறிஞ்சிக்கொள்கிறது என்ற ஆய்வு முடிவை 1939 ஆம் ஆண்டின் முற்பகுதியில் வெளியிட்டனர்.^[4][5] யுரேனியம் அணுவை இரண்டு சிறிய அணுக்கருவாக பிளக்கும் பொழுது கூடவே, நிறைந்த ஆற்றலையும் வெளிப்படுத்த வேண்டும் என்ற செயல்முறைகளை மெயிட்னர், ஓட்டோ ஹான் மற்றும் ஓட்டோ ராபர்ட் ஃப்ரிச் ஆகிய விஞ்ஞானிகள் புரிந்து கொண்டனர். அணு உமிழ்வு மூலம் அணு உலைகளால் வெப்பம் மற்றும் மின்சாரம் உற்பத்தி செய்யப்படுகிறது.^[6] இரண்டாம் உலகப் போரின்போது அமெரிக்காவில் உருவாக்கப்பட்டு, 1945 ல் ஜப்பானுக்கு எதிராக பயன்படுத்தப்பட்ட அணு ஆயுதங்களின் அடிப்படைகளில் இதுவும் ஒன்று.

மெயிட்னர் பெரும்பாலான நேரங்களை ஜெர்மனியின் பெர்லினில் தனது அறிவியல் அனுபவத்தைப் பெறுவதற்காகச் செலவழித்தார், அங்கு அவர் இயற்பியல் பேராசிரியராகவும், கைசர் வில்ஹெல்ம் இன்ஸ்டிடியூட்டில் இயற்பியல் துறைத் தலைவராகவும் இருந்தார்; ஜெர்மனியில் இயற்பியல் முழுநேரப் பேராசிரியராகப் பணியாற்றிய முதல் பெண்மணி மெயிட்னர் ஆவார். நாஜி ஜேர்மனியின் யூத-எதிர்ப்பு நியூரம்பெர்க் சட்டங்கள் காரணமாக 1930 களில் இந்த பதவிகளை அவர் இழந்தார். 1938 இல் அவர் சுவீடன் சென்று அங்கு அவர் பல ஆண்டுகளாக வாழ்ந்து, இறுதியில் ஸ்வீடிஷ் குடியுரிமையைப் பெற்றார்.

மெயிட்னர் அவரது வாழ்வில் தாமதமாகத்தான் பல விருதுகளையும் கௌரவங்களையும் பெற்றார். 1944 இல் ஓட்டோ ஹான் வேதியலுக்கான நோபல் பரிசைப் பெற்றார். ஆனால் மெயிட்னருடன் ஓட்டோ ஹான் இவ்விருதைப் பகிர்ந்து கொள்ளவில்லை . இது வேதியல் அணுகுமுறையில் மெயிட்னருடைய நீண்ட கால கூட்டுப் பணியாளர் ஓட்டோ ஹானுக்கு தனிப்பட்ட முறையில் வழங்கப்பட்டது. 1990 களில், ஓட்டோஹானுக்கு நோபல் பரிசைத் தீர்மானித்த அக்குழுவின் கோப்புகள் மீண்டும் பார்வையிடப்பட்டன. அந்தத் தகவல்களின் அடிப்படையில் பல அறிவியலாளர்களும் பத்திரிகையாளர்களும் நோபல் பரிசுக்கான மெயிட்னரின் விலக்கு "அநீதி" என்று குறிப்பிட்டனர். இறப்புக்குப் பின்னர் மெயிட்னருக்கு பல்வேறு விருதுகளும் கௌரவங்களும் வழங்கப்பட்டது. 1992 ஆம் ஆண்டில் ஒரு வேதியல் தனிமத்திற்கு 109 மெய்ட்னீரியம் என இவரது நினைவாகப் பெயரிடப்பட்டது .^{[7][8][9][10][11]} நோபல் பரிசு வழங்கப்படாத போதிலும், 1962 ஆம் ஆண்டில் லிண்டாவ் நோபல் பரிசு பெற்றோர் கூட்டத்தில் கலந்துகொள்ள லீஸ் மீட்னர் அழைக்கப்பட்டார்.^[12]