வங்காள நரி

வங்காள நரி
	கட்ச் பாலைவனப் பகுதியில் பெண் வங்காள நரி
காப்பு நிலை
	; தீவாய்ப்புக் கவலை குறைந்த இனம் (IUCN 3.1)
உயிரியல் வகைப்பாடு
திணை:	விலங்கு
தொகுதி:	முதுகுநாணி
வகுப்பு:	பாலூட்டி
வரிசை:	ஊனுண்ணி
குடும்பம்:	கேனிடே
பேரினம்:	வல்பெசு
இனம்:	வ. பெங்காலென்சிசு
இருசொற் பெயரீடு
	வல்பெசு பெங்காலென்சிசு; (சாவ், 1800)
	வங்காள நரியின் பரம்பல்
வேறு பெயர்கள்
	கேனிசு கொக்ரீ; கேனிசு ரூபசென்சு; கேனிசு இண்டிகசு; வல்பெசு சாந்துரா

வங்காள நரி (Bengal fox)(வல்பெசு பெங்காலென்சிசு) அல்லது இந்திய நரி என்பது ஒரு நரி சிற்றினம் ஆகும். இது இந்தியத் துணைக்கண்டத்தின் இமயமலை அடிவாரத்தில் நேபாளத்திலிருந்து தென் இந்தியா வரைக் காணப்படுகின்றது.^[2] மேலும் தெற்கு மற்றும் கிழக்கு பாக்கித்தான், தென்கிழக்கு வங்கதேசம் போன்ற இடங்களில் காணப்படுகிறன்றது.^[3]^[4]^[5] இவை பகலில் தூங்கிவிட்டு இரவில் தனித்தோ, கூடியோ வேட்டையாடக்கூடியன.

தோற்றம்

இவை சிறிய நரிகள், நீண்ட முக்கோண வடிவ காதுகளும், அடர்ந்த கருப்பு முனை கொண்ட வாலும், கொண்டவை. இவற்றின் வால் அதன் உடல் நீளத்தில் 50 முதல் 60% வரை இருக்கும். இவை சாம்பல் நிறத்தில் ஒல்லியான கால்களுடனும் இருக்கும். இவற்றின் தலை முதல் உடலின் நீளம் 18 அங்குலம் (46 செமீ), இதன் வால் 10 அங்குலம் (25 செமீ) நீளம் இருக்கும். எடை 5 இல் இருந்து 9 பவுண்ட் (2.3 இல் இருந்து 4.1 கிலோ).^[3] இவை எலிகள், ஊர்வன, நண்டுகள், கரையான், பழங்கள் ஆகியவற்றை உண்டு வாழும்.