வசந்த வாசல்

வசந்த வாசல்
இயக்கம்	எம். ஆர்
தயாரிப்பு	எம். ஆர்
கதை	எம். ஆர்
இசை	மாசா (பாடல்கள்) தினா (பின்னணி இசை)
நடிப்பு	விஜய் சுவாதி மன்சூர் அலி கான் வடிவேலு (நடிகர்) கோவை சரளா
ஒளிப்பதிவு	கிச்சாஸ்
படத்தொகுப்பு	டாடா சுரேஷ்
கலையகம்	குமார் மூவிஸ்
வெளியீடு	22 மார்ச் 1996 (1996-03-22)
ஓட்டம்	135 நிமிடங்கள்
நாடு	இந்தியா
மொழி	தமிழ்
ஆக்கச்செலவு	₹2.3 கோடிகள்

வசந்த வாசல் (Vasantha Vaasal) என்பது 1996 ஆம் ஆண்டு வெளியான இந்திய தமிழ் அதிரடி காதல் திரைப்படம் ஆகும். எம். ஆர் இயக்கிய இந்த படத்தில் விஜய், சுவதி ஆகியோர் முக்கிய வேடங்களில் நடித்தனர்,^[1] மன்சூர் அலி கான், வடிவேலு, கோவை சரளா ஆகியோர் துணை வேடங்களில் நடித்தனர். இசை அமைப்பாளர் மாசாவின் அறிமுக படம் இது. இந்த படம் முதலில் 1995 இல் வெளியிட திட்டமிடப்பட்டது, ஆனால் பின்னர் மார்ச் 1996 இல் தாமதமாக வெளியானது. இந்த படம் இந்தி மொழியில் சிர்ஃப் டும் ஹாய் டம் என மொழிமாற்றம் செய்யப்பட்டது.^[2]

விஜய் ( விஜய் ) சினிமா மீது வெறித்தனமாக இருப்பதால் திரைப்படங்களில் நடிக்க வேண்டும் என்ற லட்சியத்துடன் நகரத்திற்கு வருகிறார். அவர் திவ்யாவின் ( சுவாதி ) வீட்டில் வாடகைக்கு இருக்கிறார். அவர் திரைப்படக் காட்சிகளை நடித்து பார்கிறார், திரைப்பட உரையாடல்களை உரத்த குரலில் பேசிப் பார்க்கிறார், இதனால் திவ்யாவின் படிப்புக்குத் தொந்தரவாக ஆகிறது. இதனால், இருவரும் இசையில் மோதல் உருவாகிறது. ஆனால் இறுதியாக அவர்கள் ஒருவரையோருவர் காதலிக்கத் துவங்குகிறார்கள். கணேஷ் ( மன்சூர் அலிகான் ) திவ்யாவின் முறைமாமன், அவரை திருமணம் செய்து கொள்ள விரும்புகிறார். இதனால் கணேஷ் காதலர்களை தொந்தரவு செய்யத் தொடங்குகிறார், ஆனால் விஜய் திவ்யாவுக்காக போராடி கடைசியில் அவள் கையைப் பிடிக்கிறார்.

இத்திரைப்படத்திற்கு மாசா இசையமைத்திருந்தார். பாடல் வரிகளை மாசா, உமா கண்ணதாசன், எம். ஆர் ஆகியோர் எழுதியுள்ளனர்.

• [1]