வலைவாசல்:இலங்கை

இலங்கை - அறிமுகம்

இலங்கை இந்தியத் துணைக்கண்டத்தின் தென்கீழ் கரைக்கு அப்பால் இந்தியப் பெருங்கடலில் அமைந்துள்ள ஒரு அழகான தீவு தேசம் ஆகும். இலங்கையின் அமைவின் காரணமாக இந்தியப் பெருங்கடலின் நித்திலம் என்ற புகழும் இதற்கு உண்டு. இலங்கை ஒரு பல்லின, பல்சமய, நாடாகும். இலங்கை 2500 ஆண்டு பழைமையான வரலாற்றை கொண்டது. அதற்கு முன்னர் கம்ப இராமாயணத்தில் இலங்கை பற்றிய தகவல்கள் காணப்படுகிறது. 1815 ஆம் ஆண்டு இலங்கையின் கடைசி தன்னாட்சி தனிநாட்டரசான கண்டி இராச்சியம் வீழ்ச்சியடைந்தது தொடக்கம் இலங்கை பிரித்தானியாவின் குடியேற்றவாதநாடாக மாறியது. மீண்டும் 1948 பெப்ரவரி 4 ஆம் நாள் விடுதலை பெற்று தன்னுரிமைத் (சுதந்திர) தனி நாடாகியது. 1972 ஆம் ஆண்டு இலங்கை தன்னை குடியரசாக அறிவித்துக்கொண்டது. 1948 ஆண்டுக்குப் பின்னரான இலஙகையில் தோன்றிய இனமுறுகள் ஒரு உள்நாட்டு யுத்தத்தை (போரை) ஏற்படுத்தியது. 2002 ஆம் முதல் தமிழீழ விடுதலைப் புலிகளுக்கும் இலங்கை அரசுக்கும் இடையே யுத்த (போர்) நிறுத்த ஒப்பந்தம் கைசாத்திடப்பட்டு, பல மீறல்கள்களுக்கு பின்னும், நடைமுறையிலுள்ளது.