விக்கிப்பீடியா:ஆண்டு நிறைவுகள்/ஆகத்து 26

ஆகத்து 26:

• 1768 – ஜேம்ஸ் குக் தனது முதலாவது கடற்பயணத்தை இங்கிலாந்தில் இருந்து என்டெவர் கப்பலில் ஆரம்பித்தார்.
• 1789 – பிரெஞ்சுப் புரட்சி: மனித உரிமைகள் குறித்த மனிதர்களின் மற்றும் குடிமக்களின் உரிமைகள் சாற்றுரையினை பிரெஞ்சு சட்டமன்றம் ஏற்றது.
• 1795 – திருகோணமலை, பிரெடரிக் கோட்டையை (படம்) ஸ்டுவேர்ட் தலைமையிலான பிரித்தானியப் படையினர் ஒல்லாந்தரிடம் இருந்து மீளக் கைப்பற்றினர்.
• 1920 – ஐக்கிய அமெரிக்காவில் பெண்களுக்கு வாக்குரிமை வழங்கும் அரசியலமைப்பின் 19-வது திருத்தச்சட்டமூலம் அமுலுக்கு வந்தது.
• 1942 – உக்ரைனில் சோட்கிவ் என்ற இடத்தில் நாட்சி ஜெர்மனியர் காலை 2.30 மணிக்கு யூதர்களை அவர்களின் வீடுகளில் இருந்து வெளியகற்றி குழந்தைகள், நோயாளிகள் உட்பட 500 பேரை கொன்று குவித்தனர். இப்படுகொலைகள் இரண்டு நாட்களுக்குத் தொடர்ந்தன.
• 1970 – ஐக்கிய அமெரிக்காவில் புதிய பெண்ணிய இயக்கம் பெண்களுக்கான சமத்துவத்தை வலியுறுத்தி பணி நிறுத்தங்களில் ஈடுபட்டது.

திரு. வி. கலியாணசுந்தரனார் (பி. 1883) · அ. அமிர்தலிங்கம் (பி. 1927) · எஸ். எஸ். வாசன் (இ. 1969)
அண்மைய நாட்கள்: ஆகத்து 25 – ஆகத்து 27 – ஆகத்து 28