விக்கிப்பீடியா:பங்களிப்பாளர் அறிமுகம்/பீ. எம். புன்னியாமீன்

பீ. எம். புன்னியாமீன், (நவம்பர் 11, 1960 - 10 மார்ச் 2016) இலங்கையில் உள்ள கண்டியைச் சேர்ந்தவர். நவம்பர் 14, 2010 முதல் 2012 வரை தமிழ் விக்கிமீடியா திட்டங்களில் பங்களித்துள்ளார். கல்வித்துறையில் பணியாற்றிய புன்னியாமீன் இதழியலில் ஆர்வம் உள்ளவர். இவர் ஓர் எழுத்தாளரும், தன்விருப்ப ஊடகவியலாளரும் ஆவார். 173 நூல்களை எழுதி வெளியிட்டார். விக்கிப்பீடியாவில் இலங்கை எழுத்தாளர்கள், கலைஞர்கள், ஊடகவியலாளர்களின் அறிமுகம், இலங்கைத் தமிழ் நூல் பட்டியல், சர்வதேச விளையாட்டு நிகழ்வுகள், சர்வதேச நினைவு தினங்கள், பொதுஅறிவு, அரசறிவியல், வரலாறு, மரபுகள், பாரம்பரியங்கள், நடப்பு விடயங்கள் தொடர்பாக 450க்கும் மேற்பட்ட கட்டுரைகளை எழுதினார். விக்கிப்பீடியாவின் 10வது ஆண்டு நிறைவை முன்னிட்டு இவர் எழுதிய கட்டுரை இலங்கையின் முக்கியப் பத்திரிகைகளுள் ஒன்றான ஞாயிறு தினக்குரல் உட்படப் பல வலைத்தளங்களில் இடம்பெற்றது. மேலும் சுவிசு அரசு வானொலியான 'கனல்கா" வில் விக்கிப்பீடியா பற்றி இவரது ஒருமணிநேர நேர்காணல் இடம்பெற்றது.