விழிஞ்ஞம் பன்னாட்டுத் துறைமுகம்

விழிஞம் பன்னாட்டு ஆழ்நீர் பன்னோக்குத் துறைமுகம்
விழிஞம் பன்னாட்டு ஆழ்நீர் பன்னோக்குத் துறைமுகம் ;
	விழிஞம் பன்னாட்டு துறைமுகத்தின் சின்னம்
	முழுத்திரை காட்சிக்கு வரைபடத்தில் கிளிக் செய்யவும்
அமைவிடம்
நாடு	இந்தியா
அமைவிடம்	விழிஞம், திருவனந்தபுரம், கேரளம்
ஆள்கூற்றுகள்	08°22′45″N 76°59′29″E / 8.37917°N 76.99139°E Vizhinjam Vizhinjam (இந்தியா)
விவரங்கள்
நிர்வகிப்பாளர்	விழிஞம் பன்னாட்டு துறைமுக நிறுவனம்
உரிமையாளர்	கேரள அரசு
புள்ளிவிவரங்கள்
	வலைத்தளம்; http://www.vizhinjamport.in/

விழுஞ்சம் பன்னாட்டுத் துறைமுகம் (Vizhinjam International Seaport) இந்தியாவின் தென்கோடி மாநிலமான கேரளத்தின் தலைநகரம் திருவனந்தபுரத்தில் அரபிக்கடல் ஓரத்தில் புதியதாக கட்டமைக்கப்பட்டு வரும் துறைமுகம் ஆகும்.^[1] இந்தத் திட்டப்பணிகளின் மொத்த செலவினம் மூன்று கட்டங்களில் ₹ 6595 கோடிகளாக திட்டமிடப்பட்டுள்ளது. கட்டி முடித்த பின்னர் உலகின் மிகப்பெரிய துறைமுகங்களில் ஒன்றாக இருக்குமென மதிப்பிடப்படுகிறது.

விழிஞம் துறைமுகப் பகுதியில் பன்னாட்டு கடற்பாதையிலிருந்து 10 கடல்வழி மைல்களுக்கும் கடலோரத்திலிருந்து 1 கடல்வழி மைல் தொலைவிற்கும் இயல்பான 24 மீட்டர் ஆழம் கிடைக்கின்றது.

விழிஞ்சம் பன்னாட்டுத் துறைமுக நிறுவனம் (VISL), கேரள அரசு கூட்டமைப்பில் ரூபாய்.8,867 கோடி மதிப்பீட்டில் அமைக்கப்பட்டதை இந்தியப் பிரதமர் 2 மே 2025 அன்று திறக்க உள்ளார். ^[2]

நிர்வாகம்

விழிஞ்சம் துறைமுகத்தின் முதல் தொகுப்பை நிர்வகிக்க, அதானி குழுமத்தின் கீழ் செயல்படும் அதானி துறைமுகங்கள் & சிறப்பு பொருளாதார நிறுவனம் 40 ஆண்டுகளுக்கு கேரள அரசுடன் ஒப்பந்தம் செய்யப்பட்டுள்ளது.^[3]^[4]

வரலாறு

8 முதல் 14ஆம் நூற்றாண்டு வரை விழிஞம் பாண்டியர் நாட்டுத் துறைமுகமாக விளங்கியது. இது சங்ககாலத்தில் பாண்டியர் கீழிருந்த ஆய் நாட்டில் இருந்த தொலெமி குறிப்பிடும் எலங்கோன் நகரமே என்பது மயிலையார் கருத்து.^[5] மேலும் நெடுமாறன் என்ற பாண்டியன் சேர அரசனோடு கோட்டாற்றிலும் விழிஞத்திலும் போர் செய்தானெனப் பாண்டிக்கோவை கூறுகின்றது.^[6] இதில் விழிஞத்தில் நடந்தது கடற்போர் என்பது குறிப்பிடத்தக்கது.^[7] சோழ அரசிடம் தோற்றபிறகு விழிஞம் துறைமுகத்தின் முக்கியத்துவம் குறையத் துவங்கிந்து. இன்றளவில் இது ஓர் மீன்பிடித் துறைமுகமாக உள்ளது.

விழிஞம் துறைமுகத் திட்டம் 25 ஆண்டுகளுக்கு முன்னதாக திட்டமிடப்பட்டது. முதலில் பொதுத்துறை தனியார் கூட்டுறவு- தனியார் சேவை பாணியில் இதனை திட்டமிட்டனர். இரண்டு சுற்று ஏலத்திற்குப் பிறகு இம்முயற்சி தோல்வியடைந்தது.