ஹொங்கொங் வட மாவட்டம்

ஹொங்கொங் வட மாவட்டம்
ஹொங்கொங் வட மாவட்டம் Hong Kong North District
	; வரைப்படத்தில் மாவட்டம்
அரசு
• மாவட்ட பணிப்பாளர்	(Mr SO Sai-chi, BBS, MH)
பரப்பளவு
• மொத்தம்	168 km2 (65 sq mi)
• நிலம்	12 km2 (5 sq mi)
மக்கள்தொகை (2006)
• மொத்தம்	2,80,730
நேர வலயம்	ஒசநே+8 (Hong Kong Time)
இணையதளம்	ஹொங்கொங் வட மாவட்டம்

ஹொங்கொங் வட மாவட்டம் (North District) என்பது ஹொங்கொங்கின் அரசியல் நிலப்பரப்புக்குள் உள்ள பதினெட்டு (18) மாவட்டங்களில் ஒன்றாகும். இம்மாவட்டம் புதிய கட்டுப்பாட்டகத்தின் வடமேற்குப் பகுதியில் அமைந்துள்ளது. ஹொங்கொங்கின் புதிய நகர உருவாக்கங்களில் ஒன்றான பன்லிங் செங் சுயி புதிய நகரம் இம்மாவட்டத்திலேயே உள்ளது. இம்மாவட்டத்தின் மக்கள் தொகை 2006 ஆம் ஆண்டின் கணிப்பீட்டுன் படி 280,730 ஆகும். குறைவான மக்கள் அடர்த்தியைக் கொண்ட மாவட்டங்களில் இம்மாவட்டம் இரண்டாவது ஆகக்குறைந்த தொகையினர் கொண்ட மாவட்டமாகும். இம்மாவட்டம் 168 கிலோ மீட்டர்கள் பரப்பளவைக் கொண்டுள்ளது. அத்துடன் இம்மாவட்டம் மேற்கு கடல் பரப்பில் பல தீவுகளையும் கொண்டுள்ளது.

சிறப்பு

இந்த மாவட்டம் சீனப் பெருநிலப்பரப்பின் செஞ்சேன் நகரத்தையும் சம்ச்சுன் ஆற்றையும் வடக்கில் எல்லையாகக் கொண்டுள்ளது. அத்துடன் ஹொங்கொங் மற்றும் சீனாவுக்கான எல்லையையும் இம்மாவட்டம் கொண்டுள்ளது. சீனாவுக்கு போவோர் அல்லது சீனாவில் இருந்து ஹொங்கொங் வருவோர் குடிவரவு திணைக்களத்தின் நுழைமதி (வீசா) பெறும் இடம் இம்மாவட்டத்தின் வட எல்லையில் அமைந்துள்ளது.

மக்கள் தொகை

புள்ளிவிபரக் கணிப்பின் படி இம்மாவட்டத்தின் 70% வீதமான மக்கள் புதிய நகர் உருவாக்கமான பன்லிங் செங் சுயி புதிய நகரம் பகுதியிலேயே வசிக்கின்றனர். அதன் அன்மித்த நகரங்களான சா டவ் கொக் மற்றும் டா க்வு லிங் ஆகிய நகரங்களையும் மற்றும் இரண்டு நாட்டுப்புற சிறு நகரங்களையும் உள்ளடக்கியப் பகுதியில் கிட்டத்தட்ட 40,000 கிராம மக்கள் வசிக்கின்றனர்.

பெருமளவு நிலப்பரப்பு தேசிய வனங்களாகவே உள்ளது.