இரும்புத்திரை (2018 திரைப்படம்)

இரும்புத்திரை
இயக்கம்	பி. எஸ். மித்ரன்
தயாரிப்பு	விஷால்
கதை	பி. எஸ். மித்ரன்
இசை	யுவன் சங்கர் ராஜா
நடிப்பு	அர்ஜுன்; விஷால்; சமந்தா
ஒளிப்பதிவு	ஜார்ஜ் சி. வில்லியம்சு
படத்தொகுப்பு	ரூபன்
நாடு	இந்தியா
மொழி	தமிழ்

இரும்புத்திரை (Irumbu Thirai), என்பது 2018 ஆம் ஆண்டு வெளியான ஓர் தமிழ்த் திரைப்படமாகும்.^[1] இப்படம் பி. எஸ். மித்ரன் இயக்கத்தில், விஷால் பிலிம் ஃபேக்டரி சார்பில் விஷாலின் நடிப்பு, தயாரிப்பில் வெளியான தமிழ்த்திரைப்படம் ஆகும். விஷால், சமந்தா, அர்ஜுன் ஆகியோர் முதன்மைப் பாத்திரங்களில் நடித்துள்ளனர். இப்படம் யுவன் சங்கர் ராஜாவின் இசையில், ஜார்ஜ் சி. வில்லியம்சின் ஒளிப்பதிவில், ரூபனின் படத்தொகுப்பில் படமாக்கப்பட்டது. இத்திரைப்படம் தெலுங்கில் அபிமன்யடு என் பெயரில் வெளியிடப்பட்டது.^[2] இப்படமானது 2018 மே 11 அன்று வெளியானது.

நடிகர்கள்

விஷால் - மேஜர் ஆர். கதிரவன்
அர்ஜுன் - வெள்ளை டெவில்
சமந்தா - டாக்டர் ரதி தேவி
டெல்லி கணேஷ்
ரோபோ சங்கர்
வின்சென்ட் அசோகன்
தர்சனா ராஜேந்திரன் - கதிரவன் தங்கை

படப்பணிகள்

பி. எஸ். மித்ரன் அறிமுக இயக்குநராக இயக்கும் இரும்புத்திரை என்னும் இப்படத்தினை நடித்து, தயாரிப்பதாக 2016 ஆகத்தில் விஷால் முடிவு செய்தார். இப்படத்தில் சமந்தாவும் நடிக்க ஒப்பந்தமானார்.^[3]^[4]^[5] திசம்பர் 12, 2017 இல், இரும்புத்திரை திரைப்படத்தின் புதிய சுவரொட்டியை விஷால் வெளியிட்டார். அச்சுவரொட்டியில் சனவரி 26-ஆம் நாளன்று இப்படம் வெளியிடப்படும் என்று அறிவிக்கப்பட்டுள்ளது.^[6] இப்படத்தில் விசால் இராணுவ மேஜராக நடித்துள்ளார்.^[7]