எத்தியோப்பியன் ஏர்லைன்சு வானூர்தி 302

எத்தியோப்பியன் ஏர்லைன்சு விமானம் 302
Ethiopian Airlines Flight 302

விபத்து சுருக்கம்
நாள்	10 மார்ச் 2019 (2019-03-10)
சுருக்கம்	புறப்பட்ட சிலபொழுதில் வீழ்ந்தது; விசாரணையில் உள்ளது
இடம்	பிசோப்து, எத்தியோப்பியா
பயணிகள்	149
ஊழியர்	8
உயிரிழப்புகள்	157
தப்பியவர்கள்	0
வானூர்தி வகை	போயிங் 737 மாக்சு 8
இயக்கம்	எத்தியோப்பியன் ஏர்லைன்ஸ்
வானூர்தி பதிவு	ET-AVJ
பறப்பு புறப்பாடு	அடிசு அபாபா போலே பன்னாட்டு வானூர்தி நிலையம், அடிஸ் அபாபா
சேருமிடம்	யோமோ கென்யாட்டா பன்னாட்டு வானூர்தி நிலையம், நைரோபி, கென்யா

எத்தியோப்பியன் ஏர்லைன்சு வானூர்தி 302 (Ethiopian Airlines Flight 302) என்பது 2019 ஆம் ஆண்டு மார்ச் 10 ஆம் நாள் நடந்த வான் விபத்து ஆகும். எத்தியோப்பியன் ஏர்லைன்ஸ் விமானம் 302 (போயிங் - 737 இரக விமானம்) எத்தியோப்பியா நாட்டின் தலைநகரான அடிஸ் அபாபாவில் இருந்து கென்யா நாட்டின் தலைநகரான நைரோபி நோக்கி சென்ற போது விபத்துக்குள்ளானது. இந்த விபத்தில் 149 பயணிகளும், 8 விமானப் பணியாளர்களுமாக 157 பேர் உயிரிழந்துள்ளனர்.^[1][2] இந்த விமானம் காலை 8.38 மணிக்கு விமான நிலையத்தில் இருந்து புறப்பட்டது. புறப்பட்ட 6 நிமிடங்களில் கட்டுப்பாட்டு அறையுடன் இருந்த தொடர்பை இழந்தது. பிசாப்டூ என்ற நகருக்கு மேலே பறந்து கொண்டிருந்த போது விபத்துக்குள்ளானதாக எத்தியோப்பியா விமான நிலைய அதிகாரிகள் தெரிவித்துள்ளனர்.^[3] இந்த விபத்தில் கென்ய நாட்டைச் சேர்ந்த 32 பேர், எத்தியோப்பியாவைச் சேர்ந்த 9 பேர், சீனா, இத்தாலி, அமெரிக்காவைச் சேர்ந்த தலா 9 பேர், பிரான்சு, இங்கிலாந்தைச் சேர்ந்த தலா 7 பேர், எகிப்து நாட்டைச் சேர்ந்த 6 பேர், நெதர்லாந்தைச் சேர்ந்த 5 பேர், இந்தியாவைச் சேர்ந்த 4 பேர் உயிரிழந்தனர்.^[2]