மோகன்லால் திரைப்படங்கள்

மோகன்லால் இந்தியத் திரைப்பட நடிகர், தயாரிப்பாளர், விநியோகிப்பாளர், தொலைக்காட்சித் தொகுப்பாளர், பின்னணிப் பாடகர் ஆவார். இவர் பல முக்கிய வெற்றிப்பட தயாரிப்பாளர்கள், தயாரிப்பு நிறுவனங்களின் திரைப்படங்களில் நடித்துள்ளார்.^[1]

இவர் தனது திரைத்துறை வாழ்க்கையில், முக்கியமாக மலையாளம், தமிழ், ஹிந்தி, தெலுங்கு மற்றும் கன்னடம் ஆகிய மொழிகளில் 352 இற்கும் மேற்பட்ட திரைப்படங்களில் நடித்துள்ளார்.^[2][3]

மோகன்லால் 1977-78-இல் கேரளாவில் மல்யுத்த வெற்றிவீரராக அறிவிக்கப்பட்டார். மல்யுத்த விளையாட்டில் பல விருதுகளைப் பெற்றுள்ளார். புதுதில்லியில் நடைபெற இருந்த தேசிய அளவிலான போட்டிக்காகத் தேர்வு செய்யப்பட்டார். ஆனால் ஃபாசில் இயக்கிய தனது முதல் படமான மஞ்சில் விரிஞ்ச பூக்கள் படத்தின் திரைப்படத் தேர்வுக்கான நேர்காணலுக்காக அழைக்கப்பட்டதால் இவர் அதை தவறவிட்டார்.^[4] இதனால், மோகன்லால் இந்தியாவின் சிறந்த நடிகர்களில் ஒருவராக மாறினார். மேலும் மல்யுத்தத்தை ஒரு தொழிலாகத் தொடரவில்லை.

1978-ஆம் ஆண்டில், இவருக்கு 18 வயதாக இருந்தபோது, திரணோட்டம் என்ற படத்தில் ஒரு சிறிய நகைச்சுவை வேடத்தில் நடிக்கத் தொடங்கினார். ஆனால் அந்த படம் திரைக்கு வரவில்லை.^[5]

அதன் பிறகு, 1980-ஆம் ஆண்டு மஞ்சில் விரிஞ்ச பூக்கள் என்ற காதல் திரைப்படம் மூலம் திரையுலகில் அறிமுகமானார்.^[6]நரேந்திரன் என்ற ஒரு எதிர்மறை எண்ணமுள்ள கணவனாக இவரது கதாபாத்திரம் மலையாளத் திரையுலகில் நல்ல ஒரு அங்கீகாரத்தைப் பெற்றத் தந்தது. அதைத் தொடர்ந்து மோகன்லால் பல படங்களில் எதிர்மறைக் கதாபாத்திரத்தில் நடித்தார்.

மலையாளத்தின் முதல் 70 மிமீ படமான படையோட்டத்தில் (1982) இவரது முதல் நேர்மறையான பாத்திரம் இருந்தது.^[7]

1983-ஆம் ஆண்டு வெளியான ஆட்டகலாசம் இவருக்கு நட்சத்திர அங்கீகாரத்தை பெற்றுக் கொடுத்தது.^[8]

1984-ஆம் ஆண்டில் இவர் பூச்சக்கொரு மூக்குத்தி என்ற நகைச்சுவைத் திரைப்படத்தில் நடித்தார். அதன் வெற்றியானது 1980களில் நகைச்சுவை கலந்த கதாபாத்திரங்கள் இவரை பிரபலப்படுத்தியது.^[9]

1986 ல் இயக்குநர் சத்யன் அந்திக்காடு இயக்கத்தில் வெளியான டி.பி.பாலகோபாலன் எம்.ஏ., படத்தில் சிறந்த நடிப்புக்காக இவர் தனது முதல் மாநில விருதை வென்றார்.^[9] இதே ஆண்டு இயக்குநர் தம்பி கண்ணந்தானம் இயக்கத்தில் வெளியான ராஜாவிண்டே மகன் படம் இவருக்கு சூப்பர் ஸ்டார் அந்தஸ்தை பெற்றுத்தந்தது.^[10]