Дора Васильева

Ватандашлык	СССР; Россия
Туу датасы	12 декабрь 1938
Туу урыны	Вилюйск
Үлем датасы	14 апрель 2018 (79 яшь)
Үлем урыны	Якутск, Россия
Һөнәр төре	галим
Эшчәнлек өлкәсе	филология
Әлма-матер	Иркутск дәүләт университеты һәм Иркутск дәүләт университетының Педагогика институты[d]
Бүләкләр

Википедиядә Васильева фамилияле башка кешеләр турында мәкаләләр дә бар.

Дора Егоровна Васильева (1938 ― 2018) ― совет һәм Россия әдәбият галиме, филология фәннәре докторы, Россия Язучылар берлеге әгъзасы.^[3]

Биография

1938 елның 12 декабрендә Якут АССРның Вилюйск шәһәрендә туган.

1962 елда ул Иркутск педагогика институтының (хәзерге Иркутск дәүләт университетының педагогика институты) чит телләр факультетын тәмамлый. Аны тәмамлагач, ул карьерасын Якутск елга училищесында, аннары Покровская урта мәктәбендә (1962―1966) инглиз теле укытучысы булып башлый. Аннан соң, 1966―1968 елларда Якутск телевидение студиясе редакторы булып эшли. 1968―-1971 елларда ул СССР Фәннәр академиясенең Себер филиалының Якутск бүлегенең аспиранты була.

1971 елдан Дора Егоровна фәнни эш белән шөгыльләнә: Россия фәннәр академиясенең Себер филиалының Гуманитар тикшеренүләр һәм төньякның азсанлы халыклары проблемалары институтында кече фәнни хезмәткәр (1971―1981), өлкән фәнни хезмәткәр (1985―1996), әйдәп баручы фәнни хезмәткәр (1997―1999), баш фәнни хезмәткәр (2000―2008) һәм өлкән фәнни хезмәткәр (2008 елдан)^[4], биредә ул гомеренең ахырына кадәр эшли.

1973 елда ул "Н. Г. Золотарев-Якутский иҗаты" темасы буенча кандидатлык, 1995 елда — "Якут әдәбиятында миллилек һәм гомумкешелек" темасына докторлык диссертацияләрен яклый.

Якутскида 2018 елның 14 апрелендә вафат була.^[5]

Бүләкләре, мактаулы исемнәре

Россия Федерациясенең атказанган мәдәният хезмәткәре
Саха Республикасының (Якутия) атказанган мәдәният хезмәткәре
Россия Фәннәр Академиясенең Себер филиалы ветераны
Казакъстан Республикасының "Алаш" халыкара әдәби премиясе лауреаты^[6]
Саха республикасы Чурапча улусы Кытанах наслегы Мактаулы ватандашы.^[5]

Хезмәтләре

Д. Г. Васильева ― якынча 300 гыйльми һәм фәнни-популяр мәкалә, берничә монография авторы. Вузлар өчен "Заманча якут прозасы" кулланмасы авторы, аның Казакъстан язучылары турында берничә йөз мәкаләсе бар.