Касыймов бульвары (Яр Чаллы)

Касыймов бульвары

Озынлык	615 ± 1 метр
Төбәк	Татарстан
Шәһәр	Яр Чаллы
Район	Үзәк район
Почта индексы	423832
Кисеп үтә	Халыклар Дуслыгы проспекты[d] һәм Рәис Беляев проспекты[d]

Касыймов бульвары, Эдуард Касыймов исемендәге бульвар (рус. Бульвар Касимова, Бульвар имени Эдуарда Касимова) — Татарстанның Яр Чаллы шәһәренең Үзәк районындагы урам. Озынлыгы 615 м.
Почта индексы 423832. ОКАТО коды: 92430000000.
Координатлар 55.734324°, 52.370925°.

Урамның исеме Яр Чаллы шәһәре язучылар оешмасына нигез салучыларның берсе һәм оешманың беренче җитәкчесе булган күренекле татар язучысы Эдуард Салихҗан улы Касыймов (1930-1986) хөрмәтенә аталган.

Э. Касыймов Чаллыда 1972—1986 елларда яши һәм иҗат итә. КамАЗ төзүчеләргә багышлап, «Чулман-оныклар дәрьясы» (1976), «Шиңмәсен гөлләрең» (1986) романнарын яза.

Яр Чаллы шәһәр шурасы башкарма комитетының 1989 елның 22 марты 110нчы санлы карары белән 39нчы комплекстагы урамга «Касыймов бульвары» исеме бирелә^[1].

Яр Чаллының (Яңа шәһәр) Үзәк районындагы 38нче һәм 39нчы комплекслары чигендә урнашкан урам. Халыклар дуслыгы проспектыннан башлана. Рәис Беляев проспекты белән киселештә тәмамлана. Бульвар комплекс эчендәге урман полосасын кисеп үтә.

• 2нче йорт — 53нче урта мәктәп + Чулман икътисад-хокук көллияте
• 6нчы йорт — 54нче гимназия
• 7нче йорт — 83нче санлы «Фея» балалар бакчасы – балаларны үстерү үзәге
• 17нче йорт — «Рамазан» мәчете
• 19нчы йорт — 78нче санлы «Елочка» балалар бакчасы

1. Набережные Челны. Карта города и его окрестностей. Екатеринбург: ФГУП «Уралаэрогеодезия», 2012. ISBN 598362511-X

• Касыймов бульвары Яр Чаллы картасында