Роза Сәлимова

Роза Сәлимова
Туган телдә исем	Роза Мирхәт кызы Сәлимова
Туган	9 февраль 1964(1964-02-09) (61 яшь) СССР, РСФСР, ТАССР, Актаныш районы, Аеш
Милләт	татар
Ватандашлыгы	СССР→ РФ
Һөнәре	педагог
Җефет	Мәгафүр Сәлимов
Балалар	ике кызы
Ата-ана	Мирхәт Җәлилов (әти) Сәйлән Бикмөхәммәтова (әни)
Бүләк һәм премияләре
Сайт	Роза Салимова

Роза Сәлимова, Роза Мирхәт кызы Сәлимова (Җәлилова, 1964 елның 9 феврале, СССР, РСФСР, ТАССР, Актаныш районы, Аеш) ― педагогика фәннәре кандидаты (2000), доцент, Уфа фән һәм технологияләр университетының Стәрлетамак филиалы психологик-педагогик белем бирү кафедрасы мөдире (2007 елдан), Башкортстанның мәгариф отличнигы, Россия Федерациясенең югары һөнәри белем бирүнең мактаулы хезмәткәре.^[1]

1964 елның 9 февралендә Татарстан АССР Актаныш районы Аеш авылында туган. Әтисе Мирхәт Җәлилов ― амбар мөдире, әнисе Сәйлән Бикмөхәммәтова укытучы булып эшләгән.^[2] Роза Мирхәт кызы Аеш сигезьеллык мәктәбен бик яхшыга, Минзәлә педагогика училищесын (1995 елдан көллият) кызыл дипломга (1982) тәмамлаган. Юллама буенча В. И. Ленин исемендәге Мәскәү дәүләт педагогика институтына^[d] укырга керә һәм аны 1987 елда тәмамлый. Дипломлы белгечне Башкортстан АССРга эшкә җибәрәләр.^[2]1987 елдан Стәрлетамак дәүләт педагогия институтында (2004 елдан академия, 2012 елдан БДУ филиалы, 2021 елдан УФҺТУ филиалы) укыта. Педагогика һәм психология факультеты деканы урынбасары, Психологик-педагогик белем бирү кафедрасы мөдире (2007 елдан), Педагогика һәм психология институты директорының уку һәм методика буенча урынбасары вазыйфаларын башкара.^[3]

2000 елда «Һөнәри әзерлек процессында педвуз студентларының рухи үсеше» (рус. Духовное развитие студентов педвуза в процессе профессиональной подготовки) темасына педагогика фәннәре кандидатлыгына диссертация яклаган.^[4]

Шәхес психологиясе, үсеш психологиясе, шәхеснең индивидуаль-психологик үзенчәлекләрен диагностикалау, сәламәтлекне саклау һәм сәламәтлек саклау белеме, педагог-психологларны һөнәри әзерләү.^[1]

Педагогик һәм психологик белем бирүнең хәзерге заман проблемаларын яктыртучы монографияләр һәм фәнни мәкаләләр авторы. ^{[5] [6]}

• Башкортстан Республикасының мәгариф отличнигы
• Россия Федерациясенең югары һөнәри белем бирүнең мактаулы хезмәткәре
• БР Стәрлетамак шәһәре шәһәр округы советының Мактау грамотасы^[1]

Ире Мәгафүр Сәлимов, иминлек хезмәткәре. Ике кызы.^[2]

• Сәлимова Роза Мирхәт кызы / Ф. М. Моратов, Й. Ә. Хуҗин. Актаныш – туган җирем. Икенче басма. К.: 2010, 26нчы бит.

• Салимова Роза Мирхатовна. 2023 елның 10 август көнендә архивланган. Официальный сайт Стерлитамакского филиала Университета науки и технологий(рус.)