Әтәч кикриге (үсемлек)

   

Әтәч кикриге
Кыскача исем	B. tectorum
Халыкара фәнни исем	Bromus tectorum L., 1753[1]
Таксономик ранг	төр[1]
Югарырак таксон	Кындырак[1]
Таксонның халык атамасы	Dach-Trespe[2], Drooping Brome[3], sveřep střešní[4], kattokattara[5], 旱雀麦[6][7], 旱雀麦[8][9][10][…], strešni glistnik һәм strešna stoklasa
Таксон синонимы	A. tectorum[d][11]
Базионим для	A. tectorum[d]
...өчен инвазион төр	Орегон һәм Канада[12]
Нинди вики-проектка керә	ВикиПроект Инвазив биология[d]
Таксон ареалы	Кытай[8][9][10], Швейцария[13], Шеңҗан-Уйгыр автономияле районы[14] һәм Тибетский автономный район[d][15]
Ссылка на авторов таксона	Ledeb.
GRIN URL	npgsweb.ars-grin.gov/gringlobal/taxonomydetail.aspx?id=7880[16]
Әтәч кикриге Викиҗыентыкта

Әтәч кикриге ^[17](лат. Bromus tectorum) — Кыяклылар (Poaceae) семьялыгының Кындырак (Bromus) ыругына керүче үләнчел үсемлек төре.

Берьеллык үләнчел үсемлекләр. Сабаклары берничә, туры яки аскы өлешендә буынлы-өскә күтәрелүчән. Өске өлешендә, чәчәк төркеме тармаклары белән бергә нечкә һәм төкле. 20-50, сирәк очракта 60 см биеклектә. Яфраклары туры кыяклар, бераз очлайган, 1,5-4, сирәгрәк 5 мм киңлектә, җиңсәләре белән бергә кыска нәзек төкләр белән капланган. Телчек 2-3 мм озынлыкта, аерчалы.

Чәчәк төркеме - себеркәч. Ул 6-12 см озынлыкта һәм 4-7 см киңлектә. Нәзек, озын, дугасыман аска бөгелгән, 2-5 иелгән башак күтәреп торучы сабаклардан тора.

Башаклары кыска һәм нечкә төкле, туры яки чөй рәвешендә, нигезләренә таба әкренләп тараялар, яшел яки шәмәхә төстә, 4-9 чәчәкле. Якынча 15 мм озынлыкта һәм өске өлешендә 5 мм киңлектә. Башак тәңкәләре ланцет формасында, кырыйлары аксыл элпәле, шуларның аскы, таррак һәм 1 җепселле, очлысыле, өске 3 җепсел тәңкәдән өчтән бер өлешкә кыскарак, ул 8-12 мм озынлыкта. Тышкы чәчәк яны тәңкәсе ланцет формасында, очында нечкә 2 тешле, 5-7 җепселле, кыска төкле, озынлыгы 11-12 мм һәм киңлеге якынча 2 мм. 14-20 мм озынлыктагы, тешчәләр нигезеннән чыга торган һәм нечкә чәнечкеле кытыршы күчәр белән. Эчке чәчәк яны тәңкәсе туры, тышкы тәңкәдән дә кыскарак, 8-9 мм озынлыкта һәм якынча 1 мм киңлектә, кильләре буенча озын керфекле. Серкәлекләре озынча, озынлыгы 1 мм тирәсе. Җимеше - бөртекчә. Ул көрән, ланцет формасында диярлек, ике яктан да очлы, озынлыгы 9 мм һәм киңлеге 1,5 мм тирәсе. 2n=14.

Төньяк Африка һәм Евразия. Ташлы һәм вак туфраклы тау битләрендә, комнарда, ташлыкларда, дала һәм ярымчүлләрдә, юллар янында үсә.