Іван Аляксеевіч Прусаў

Іван Аляксеевіч Прусаў
Дата нараджэння	11 чэрвеня 1919(1919-06-11)
Месца нараджэння	Бярозаўка, Доўжанская воласць[d], Чэрыкаўскі павет, Магілёўская губерня, РСФСР
Дата смерці	13 верасня 1994(1994-09-13) (75 гадоў)
Грамадзянства	СССР  Беларусь
Род дзейнасці	навуковец
Навуковая сфера	фізіка
Месца працы	Львоўскі нацыянальны ўніверсітэт імя Івана Франко БДУ
Навуковая ступень	доктар фізіка-матэматычных навук (1993) і доктар тэхнічных навук (1968)
Навуковае званне	прафесар
Альма-матар	фізіка-матэматычны факультэт БДУ Львоўскі нацыянальны ўніверсітэт імя Івана Франко
Узнагароды

Іван Аляксеевіч Прусаў (11 чэрвеня 1919, вёска Бярозаўка, Слаўгарадскі раён — 13 верасня 1994) — беларускі фізік. Доктар тэхнічных навук (1968), доктар фізіка-матэматычных навук (1993), прафесар (1971).

У 1938 годзе скончыў сярэднюю школу ў Слаўгарадзе і паступіў на фізіка-матэматычны факультэт Беларускага дзяржаўнага ўніверсітэта. У 1940—1941 гадах выкладаў матэматыку ў вёсцы Дудзічы Пухавіцкага раёна. З першых дзён Вялікай Айчыннай вайны ў Чырвонай Арміі. У жніўні 1942 годзе скончыў Тамбоўскае ваеннае кавалерыйскае вучылішча. Са снежня 1942 года і да заканчэння вайны служыў у кавалерыйскім палку.

У 1950 годзе скончыў фізіка-матэматычны факультэт Львоўскага ўніверсітэта і працаваў у ім у 1950—1969 гадах. З 1970 года ў беларускім дзяржаўным універсітэце. З 1972  па 1987 год загадчык кафедры тэарэтычнай механікі, з 1987 года прафесар кафедры тэарэтычнай механікі і робататэхнікі.

Навуковыя працы ў галіне прыкладной тэорыі пругкасці анізатропных асяроддзяў. Аўтар 4 манаграфій па праблемах тэрмапругкасці і тэорыі фільтрацыі вадкасці ў порыстых асяроддзях.

Сярод апублікаванага:

• Давление на подкрепляющие стойки, установленные внутри отверстия пластинки / М-во высш. образования СССР. Львовский гос. ун-т им. Ивана Франко — Львов, 1955;
• Некоторые задачи термоупругости. — мн., 1972;
• Метод сопряжения в теории плит. — Мн.: БГУ, 1975;
• Термоупругие анизотропные пластинки. — Мн.: БГУ, 1978.

Узнагароджаны 2 ордэнамі Айчыннай вайны ІІ ступені, медалём «За баявыя заслугі» і іншымі медалямі.

• Бараноўскі П. М. Прусаў Іван Аляксеевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 52. — 10 000 экз. — ISBN 985-11-0035-8. — ISBN 985-11-0216-4 (т. 13).

• Учёные Беларуси: Прусов, Иван Алексеевич (доктор физико-математических наук; доктор технических наук; кандидат физико-математических наук; 1919—1994) (руск.) // Нацыянальная бібліятэка Беларусі
• Навукоўцы Слаўгарадскай зямлі. Прусаў Іван Аляксеевіч
• 11 июня мехмат празднует 100-летие Ивана Алексеевича Прусова (руск.) // Сайт механіка-матэматычнага факультэта БДУ
• Память народа — электронный банк документов периода Великой Отечественной войны(недаступная спасылка) (руск.)