Іван Мікалаевіч Хлюсцін

Іван Мікалаевіч Хлюсцін
Дата нараджэння	10 жніўня 1862(1862-08-10)
Месца нараджэння	Масква, Маскоўская губерня, Расійская імперыя
Дата смерці	21 лістапада 1941(1941-11-21) (79 гадоў)
Месца смерці	Ніца, дэпартамент Прыморскія Альпы, Францыя
Грамадзянства	Францыя  Расійская імперыя
Прафесія	харэограф, балетмайстар, артыст балета, настаўнік
Тэатр	Вялікі тэатр
Медыяфайлы на Вікісховішчы

Іван Мікалаевіч Хлюсцін (руск.: Иван Николаевич Хлюстин; 10 жніўня 1862(1862-08-10), Масква — 21 лістапада 1941(1941-11-21), Ніца) — расійскі артыст балета, балетмайстар, педагог.

Скончыў Маскоўскае тэатральнае вучылішча (1878). У 1878—1903 у Вялікім тэатры ў Маскве (з 1886 вядучы танцоўшчык, з 1898 балетмайстар), адначасова з 1889 года выкладаў у Маскоўскім тэатральным вучылішчы. З 1903 года ў Парыжы, адкрыў балетную школу. З 1911 года балетмайстар і педагог Парыжскай оперы, у 1914—31 (з перапынкамі) балетмайстар-пастаноўшчык у трупе Ганны Паўлавай.

Сярод партый: Феб («Эсмеральда» Ц. Пуні), Альберт («Жызэль» А. Адана), Дэзірэ («Спячая прыгажуня» П.Чайкоўскага) і інш. Паставіў балеты «Зоркі» А. Сімона (1898), «Чароўны чаравічак» Ю. Гербера (1899), «Русалка» Л. Ламбера (1911), «Танцавальная сюіта» на музыку Ф. Шапэна (1913) і інш.

• Хлюсцін // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).