Іван Сцяпанавіч Палявой

Іван Сцяпанавіч Палявой
Дата нараджэння	7 студзеня 1907(1907-01-07)
Месца нараджэння	Новамыкалаіўка[d], Q12097966?, Дняпроўскі павет[d], Таўрычаская губерня, Расійская імперыя
Дата смерці	20 жніўня 1944(1944-08-20) (37 гадоў)
Месца смерці	Докшыцкі раён, Вілейская вобласць, Беларуская ССР, СССР
Месца пахавання	Докшыцы
Альма-матар	Ейскі вышэйшы ваенны авіяцыйны інстытут[d] (1933)
Грамадзянства	СССР
Прыналежнасць	СССР
Званне	маёр
Бітвы/войны	Вялікая Айчынная вайна
Узнагароды і званні

Іван Сцяпанавіч Палявой (7 студзеня 1907, в. Новамыкалаіўка (цяпер Наватроіцкі раён, Херсонская вобласць, Украіна) — 20 жніўня 1944, Докшыцкі раён) — удзельнік Вялікай Айчыннай вайны, маёр. Герой Савецкага Саюза (1945).

У Чырвонай Арміі з 1929 года. Скончыў Ейскую ваенную школу пілотаў (1933). У Вялікую Айчынную вайну на фронце з 1941 года.

Маёр, намеснік камандзіра 132-га бамбардзіровачнага авіяцыйнага палка 334-й бамбардзіровачнай авіяцыйнай дывізіі. Зрабіў 125 баявых вылетаў. Вызначыўся ў Беларускай аперацыі 1944 года. 3 23 чэрвеня 1944 года наносіў бомбавыя ўдары па ваенных аб’ектах і скапленнях праціўніка ў раёнах Мінска, Полацка, Даўгаўпілса; знішчыў 22 самалёты (на аэрадромах), 40 танкаў, 307 аўтамашын, разбурыў 3 пераправы і 2 масты. Загінуў 20 жніўня 1944 года.

Званне Героя Савецкага Саюза прысвоена 23 лютага 1945 года.

• Герой Савецкага Саюза
• Медаль «Залатая Зорка»
• Ордэн Леніна — двойчы (1941, 1945)
• Ордэн Чырвонага Сцяга (1941)
• Ордэн Чырвонай Зоркі — двойчы
• Ордэн Айчыннай вайны 1-й ступені (1944)

Пахаваны ў г. Докшыцы, дзе яго імем названы плошча і вуліца.

• Палявой Іван Сцяпанавіч // Памяць: гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.]; уклад. А. В. Скараход; мастак Э. Э. Жакевіч. — Мінск : БелЭн, 2004. — С. 374—375.