Ізабалёва

Вёска Ізабалёва Краіна Беларусь Вобласць Мінская Раён Пухавіцкі Каардынаты 53°30′22″ пн. ш. 28°24′07″ у. д.HGЯO Ізабалёва на карце Беларусі ±

Ізабалёва — былая вёска ў Чырвонакастрычніцкім сельсавеце Пухавіцкага раёна Мінскай вобласці.

У XIX стагоддзі вёска Ізабалёва, або Забелава (Забелева) у Ігуменскім павеце Мінскай губерні, побач быў аднайменны маёнтак. Пасля 1861 года ў Пухавіцкай воласці Ігуменскага павета. У 1888 годзе ўладальнікам маёнтка Ізабалёва быў дваранін рыма-каталіцкага веравызнання Альберт Іванавіч Багушэўскі, было 200 дзесяцін зямлі^[1].

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

У 1976 годзе далучана да вёскі Чырвоны Кастрычнік (колішняга маёнтка Ізабалёва)^[2].

• 1908 год — 19 двароў, 126 жыхароў
• 1917 год — 21 двор, 126 жыхароў, усе беларусы^[3]

• Мікалай Каспяровіч (1900—1937) — беларускі этнограф, краязнавец, лексікограф, мастацтвазнавец і літаратуразнавец.

• Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.
• Список населенных мест Б.С.С.Р. (б. Минской губернии) / Центральное Статистическое Бюро Б.С.С.Р.. — Минск: Белтрестпечать, 1924.
• Списокъ Землевладѣльцевъ Минской Губерніи [за 1888 год] / Изданіе Минскаго Губернскаго Статистическаго Комитета. — Минскъ: Минская Губернская Типографія, 1889. — 419 с.