Інфармацыйныя тэхналогіі

Інфармацыйныя тэхналогіі
Інфармацыйныя тэхналогіі
Галіна	information technology industry[d]
Кароткая назва	IT
Непасрэднай прычынай з’яўляецца	інфармацыя
Вывучаецца ў	інфарматыка[d] і information systems studies[d]
Спрыяльным фактарам з’яўляецца	даныя
Classification of Instructional Programs code	11.0103
	Медыяфайлы на Вікісховішчы

Інфармацыйныя тэхналогіі (ІТ, ад англ.: information technology, IT — чытаецца ай-ці) — шырокі клас дысцыплін і абласцей дзейнасці, якія адносяцца да тэхналогіі кіравання і апрацоўкі даных. Інфармацыйныя тэхналогіі уключаюць у сябе ўсе аспекты, звязаныя з ужываннем вылічальнай тэхнікі, захоўваннем звестак, телекамунікацыяй і перадачай звестак па лініях сувязі.

У апошні час пад інфармацыйнымі тэхналогіямі часцей за ўсё разумеюць камп’ютарныя тэхналогіі. У прыватнасці, ІТ маюць справу з выкарыстаннем камп’ютараў і праграмнага забеспячэння для збору, апрацоўкі, пераўтварэння, абароны, захоўвання і перадачы інфармацыі. Спецыялістаў па камп’ютарнай тэхніцы і праграмаванню часта завуць ІТ-спецыялістамі.

Паводле азначэння, прынятага ЮНЕСКА, ІТ — гэта комплекс узаемазвязаных навуковых, тэхналагічных і інжынерных дысцыплін, якія вывучаюць метады эфектыўнай арганізацыі працы людзей, занятых апрацоўкай і захоўваннем інфармацыі; вылічальную тэхніку і метады ўзаемадзеяння з людзьмі і вытворчым абсталяваннем, іх практычныя прыкладанні, а таксама звязаныя з усім гэтым сацыяльныя, эканамічныя і культурныя праблемы. Самі ІТ патрабуюць складанай падрыхтоўкі, вялікіх першапачатковых выдаткаў і навукаёмістай тэхнікі. Іх увядзенне павінна пачынацца з стварэння матэматычнага забеспячэння, фарміравання інфармацыйных патокаў у сістэмах падрыхтоўкі спецыялістаў.

Асноўныя рысы сучасных ІТ:

камп’ютарная апрацоўка інфармацыі па зададзеных алгарытмах;
захоўванне вялікіх аб’ёмаў інфармацыі на машынных носьбітах;
перадача інфармацыі на любыя адлегласці ў абмежаваны час.

Дысцыпліна інфармацыйных тэхналогій

У шырокім разуменні ІТ ахоплівае ўсе вобласці перадачы, захоўвання і ўспрымання інфармацыі, і не толькі камп’ютарныя тэхналогіі. Пры гэтым ІТ часта асацыююць менавіта з камп’ютарнымі тэхналогіямі, і гэта не выпадкова: з’яўленне камп’ютараў вывела ІТ на новы ўзровень, як калісьці тэлебачанне, а яшчэ раней друкаванае слова. Пры гэтым асновай ІТ з’яўляюцца тэхналогіі апрацоўкі, захоўвання і ўспрымання інфармацыі.