Прагра́мнае забеспячэ́нне — агульны тэрмін для абазначэння сукупнасці камп’ютарных праграм, працэдур і дакументацыі, якая выконвае пэўную задачу ў камп’ютарнай сістэме. Тэрмін ахоплівае як прыкладныя праграмы, такія як тэкставы рэдактар, што выконвае задачу карыстальніка, так і сістэмнае праграмнае забеспячэнне, якое стасуецца непасрэдна з апаратнай часткай і забяспечвае неабходныя для прыкладных праграм функцыі.
Тыпы
Існуюць розныя класіфікацыі камп’ютарных сістэм. Напрыклад, праграмнае забеспячэнне раздзяляюць па прызначэнні на наступныя класы:
- Сістэмнае праграмнае забеспячэнне забяспечвае працу абсталявання і камп’ютарнай сістэмы як адзінага цэлага. Уключае аперацыйныя сістэмы, драйверы прылад, сродкі дыягностыкі, серверы, сістэмныя утыліты і інш. Назначэнне сістэмнага праграмнага забеспячэння — адмежаваць наколькі магчыма праграміста, што піша прыкладныя праграмы, ад дэталяў канкрэтнай камп’ютарнай сістэмы, асаблівасцей падсістэмы памяці, тых ці іншых прылад — прынтараў, дысплеяў, клавіятур і г.д.
- Сродкі праграмавання ахопліваюць інструменты, што дапамагаюць праграмісту ствараць праграмы на розных мовах праграмавання больш зручным спосабам. Уключаюць тэкставыя рэдактары, кампілятары, інтэрпрэтатары, лінкеры, дэбагеры і г.д. Інтэграваныя асяроддзі праграмавання спалучаюць гэтыя інструменты ў праграмным пакеце, звычайна замяняючы кіраванне з каманднага радка графічным інтэрфейсам карыстальніка.
- Прыкладныя праграмы дазваляюць карыстальніку выконваць адну ці болей пэўных, не звязаных з камп’ютарам, задач. Звычайны ўжытак уключае аўтаматызацыю прамысловасці, праграмы для бізнесу, адукацыйныя праграмы, медыцынскія праграмы, базы даных і камп’ютарныя гульні. Амаль кожная праява чалавечай дзейнасці зараз выкарыстоўвае нейкую форму прыкладной праграмы.
Паводле спосабу распаўсюджвання і ўжывання праграмнае забеспячэнне падзяляецца на:
Свабоднае праграмнае забеспячэнне можа распаўсюджвацца, усталёўвацца і ўжывацца на любых камп’ютарах: дома, у офісах, школах, ВНУ, а таксама ў камерцыйных і дзяржаўных установах без абмежаванняў.
Гл. таксама
Зноскі
