Іпаліт Гечэвіч

Іпаліт Гечэвіч
Ляліва
маршалак шляхты Вілейскага павета 1826 — 1831
Смерць	1845
Месца пахавання	Каталіцкія могілкі ў Вязыні[d]
Род	Гечэвічы[d]
Бацька	Вікенцій Іванавіч Гечэвіч
Маці	Эльжбета з Прушынскіх[d]
Жонка	Кацярына з Валадковічаў[d]
Дзеці	Канстанты Юліян Гечэвіч[d] і Ядвіга з Гечэвічаў[d]
Бітвы	Паўстанне 1830—1831 гадоў

Іпаліт Валерыян Гечэвіч (польск.: Hipolit Gieczewicz; каля 1801—1846) — дзяржаўны службовец, удзельнік паўстання 1830—1831 гадоў.

Прадстаўнік старажытнага шляхецкага роду Гечэвічаў герба «Ляліва». Сын мінскага губернатара Вікенція Іванавіча Гечан-Гечэвіча (1770—1840) і Лізаветы з Прушынскіх (1778—1849).

Калежскі рэгістратар, у 1826—1831 гадах вілейскі павятовы маршалак. Удзельнічаў у паўстанні 1830—1831 гадоў, высланы ў г. Варонеж.

Уладальнік маёнтка Вязынь (на 1835 год — 2171 душа прыгонных абодвух палоў).

Памёр у 1845 годзе. Пахаваны на каталіцкіх могілках у Вязыні разам з жонкай. Над магілай пастаўлены абеліск з белага мармуру.

У шлюбе з Кацярынай з Валадковічаў (каля 1808—1847), дачкой Вікенція Валадковіча, маршалка шляхты Вілейскага і Барысаўскага паветаў, пляменніцай мінскага губернскага маршалка Іосіфа Міхайлавіча Валадковіча. Ад яе дзеці:

• Станіслаў (1824—1867), у шлюбе з Эміліяй Тамашэўскай;
• Канстанцін Юліян (1826—1863), у шлюбе з Соф’яй з Дактаровіч-Грабніцкіх. Пахаваны на каталіцкіх могілках у Вязыні;
• Ядвіга (нар. 1837), у шлюбе з Аляксандрам Горватам (1831—1879), маршалкам шляхты Кіеўскай губерні.

• 
  Магіла сына Канстанціна Юліяна Гечэвіча ў Вязыні
• 
  Магіла Соф'і з Грабніцкіх, жонкі сына Канстанціна Юліяна ў Вязыні
• 
  Партрэт сына штабс-капітана Станіслава Іпалітавіча Гечэвіча. Уладзімір Гау, 1850-я

• ГЕЧЕВИЧ Викентий (Винцент) Иванович // Минские губернаторы, вице-губернаторы и губернские предводители дворянства (1793-1917) : биографический справочник / сост. Ю.Н. Снапковский; редкол.: В.И. Адамушко [и др.]. — Минск: Беларусь, 2016. — 398 с. — ISBN 978-985-01-1200-2.