Абдэлазіз аль-Хілу

Абдэлазіз аль-Хілу
Абдэлазіз аль-Хілу
Дата нараджэння	1954
Месца нараджэння	South Kordofan[d], Судан;
Альма-матар	University of Khartoum[d];
Прыналежнасць	НАВС, НВРС—П
Бітвы/войны	Другая грамадзянская вайна ў Судане, Канфлікт у Паўднёвым Кардафане і Блакітным Ніле, Канфлікт у Судане (2023)

Абдэлазіз Адам аль-Хілу (араб. عبد العزيز الحلو‎; нар. 7 ліпеня 1954) — палявы камандзір Народнай арміі вызвалення Судана, адзін з лідараў партыі «Народна-вызваленчы рух Судана–Поўнач».

Біяграфія

Нарадзіўся ў н. п. Аль-Файд Ум Абдула, Паўднёвы Кардафан.

Пачатковую адукацыю атрымаў у школе Даламі, сярэднюю — у Аль-Далінг і Кадуглі. Вывучаў эканоміку ў Хартумскім універсітэце, які скончыў у 1979 годзе. Пасля працаваў фінансавым і адміністрацыйным служачым Нацыянальнага ўпраўлення электра- і водазабеспячэння Хартума^[1].

Яшэ падчас вучобы ў Хартумскім універсітэце ўліўся ў шэрагі апазіцыі. Далучыўся да Народнай арміі вызвалення Судана^[1]. Праявіў сябе як таленавіты палявы камандзір. Займаўся задачамі забеспячэння, мабілізацыі, вярбоўкі і ваеннага планавання^[2].

Пасля завяршэння грамадзянскай вайны ў Судане далучыўся да баявой арганізацыі «Народна-вызваленчы рух Судана–Поўнач», у складзе якой ваяваў супраць цэнтральных уладаў у Паўднёвым Кардафане. У 2017 годзе арганізацыя распалася. Адну з фракцый узначаліў Аль-Хіла. Настойваў на стварэнні свецкай дзяржавы і перамовы з урадам аль-Башыра^[3].

Пасля суданскай рэвалюцыі абвясціў аб часовым аднабаковым спыненні агню^[4]. Пайшоў на перамовы з новай уладай^[5].

У чэрвені 2023 года падтрымаў Сілы аператыўнай падтрымкі ў барацьбе з ваеннай хунтай генерала Абдэля Бурхана^[6]. Саюз фракцый быў неафіцыйным^[7].