Абдэль Хамід Махамед Дбэйбе

Абдэль Хамід Махамед Дбэйбе
Абдэль Хамід Махамед Дбэйбе
прэм’ер-міністр Лівіі[d]
	з 15 сакавіка 2021
Папярэднік	Фаіз Сарадж
міністр абароны Лівіі[d]
	з 15 сакавіка 2021
Папярэднік	Salah Eddine al-Namroush[d]
Нараджэнне	13 лютага 1959 (66 гадоў); Місурата, Муніцыпалітэт Місурата, Лівія;
Веравызнанне	іслам
Партыя	беспартыйны;
Адукацыя	Таронцкі ўніверсітэт;
Аўтограф
Гады службы
	Медыяфайлы на Вікісховішчы

Абдэль Хамід Махамед Дбэйбе (араб. عبد الحميد الدبيبة‎; нар. 1958, Місурата, Каралеўства Лівія) — лівійскі палітык і бізнесмен. Быў прызначаны часовым прэм’ер-міністрам Лівіі. Шэраг СМІ называюць яго пра-эрдаганскім палітыкам, які мае блізкія адносіны з Турцыяй^[1].

Біяграфія

Нарадзіўся ў 1958 годзе ў горадзе Місурата. Атрымаў ступень магістра інжынерных навук у Канадзе. Быў менеджэрам футбольнага клуба «Аль-Аль-Ітыхад» і старшынёй савета дырэктараў Лівійскай холдынгавай кампаніі па развіцці і інвестыцый (LEDCO)^[2].

У 2020 годзе Дбэйбе заснаваў рух «Лівія аль-Мустакбал» (Будучыня Лівіі)^[2].

5 лютага 2021 года быў прызначаны часовым прэм’ер-міністрам краіны на Форуме палітычнага дыялогу Лівіі^[3]. Дбэйбе балатаваўся разам з Махамедам аль-Манфі ў якасці прэзідэнта і Мусам аль-Кані і Абдалой аль-Лафі ў якасці віцэ-прэзідэнтаў. У той жа час ён сутыкнуўся з абвінавачваннямі ў спробах падкупіць некаторых дэлегатаў форума праз свайго стрыечнага брата, багатага бізнесмена Алі аль-Дбэйбе^[4]. Яго спіс атрымаў 39 галасоў, што на пяць больш, чым у Агілы Салех Іса і Фатхі Башагі^[5]. Апошні быў успрыняты як прыхільнік ЗША, але амерыканскі пасол адмаўляў любыя спробы паўплываць на выбарчы працэс^[6].

15 сакавіка афіцыйна заняў пасаду прэм’ер-міністра^[1].

У верасні 2021 года парламент прагаласаваў за вынясенне недаверу ўраду Абдэля Хаміда Дбэйбы.

10 лютага 2022 года на палітыка быў здзейснены замах. Невядомыя абстралялі яго аўтамабіль, калі Дбэйбе вяртаўся дадому^[7]. У той жа дзень Палата прадстаўнікоў прызначыла Фатхі Башагу прэм’ер-міністрам. Дбэйбе і УНА адхілілі гэтае прызначэнне^[8].