Абрам Яфімавіч Смалякоў

Абрам Яфімавіч Смалякоў
Дата нараджэння	25 мая 1908(1908-05-25)
Месца нараджэння	Крычаў, Чэрыкаўскі павет, Магілёўская губерня, Расійская імперыя або Ермакоўка, Чэрыкаўскі павет, Магілёўская губерня, Расійская імперыя
Дата смерці	3 кастрычніка 1943(1943-10-03) (35 гадоў)
Месца смерці	Каніўскі раён, Кіеўская вобласць, УССР, СССР
Грамадзянства	СССР
Прыналежнасць	СССР
Род войскаў	артылерыя
Гады службы	1930—1943
Званне	маёр
Бітвы/войны	Вялікая Айчынная вайна
Узнагароды і званні

Абрам Яфімавіч Смалякоў (29 мая 1908, Крычаў ці вёска Ермакоўка^[1] — 3 кастрычніка 1943) — удзельнік Вялікай Айчыннай вайны, маёр. Герой Савецкага Саюза.

У 1930 годзе быў слухачом савецка-партыйнай школы ў Кіеве. Пасля заканчэння школы ён атрымлівае званне палітрука і становіцца палітработнікам Чырвонай Арміі. Удзельнічае ў 1939 годзе ў вызваленні Заходняй Украіны. Вялікую Айчынную вайну Абрам Смалякоў сустрэў у Станіславе.

Намеснік камандзіра 1177-га знішчальнага процітанкавага артылерыйскага палка па палітычнай частцы, вызначыўся ў баях за Дняпро каля горада Канеў (Чаркаская вобласць, Украіна) 30.09.1943. Умела арганізаваў фарсіраванне Дняпра, асабістым прыкладам натхняў артылерыстаў на адбіццё атак ворага, загінуў у гэтым баі.

• Смалякоў Абрам Яфімавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 47—48. — 10 000 экз. — ISBN 985-11-0035-8. — ISBN 985-11-0251-2 (т. 15).

Абрам Яфімавіч Смалякоў на сайце «Героі краіны»

• Смалякоў Абрам Яфімавіч на сайце анлайн-энцыклапедыі «Беларусь у асобах і падзеях»
• Смоляков Абрам Ефимович // Государственная информационная система «Память народа» (руск.)