Аб’яднаныя правінцыі Цэнтральнай Італіі

залежная дзяржава Сардзінскага каралеўства
Аб'яднаныя правінцыі Цэнтральнай Італіі
Province Unite del Centroitalia
Герб Сцяг
<  <  <  <   > 1859 — 1860
Мова(ы)	Італьянская мова
Афіцыйная мова	італьянская мова
Медыяфайлы на Вікісховішчы

Аб'яднаныя правінцыі Цэнтральнай Італіі (італ.: Province Unite del Centroitalia) — дзяржаўнае ўтварэнне ў Цэнтральнай Італіі, залежная дзяржава Сардзінскага каралеўства.

У 1859 годзе ў выніку народных рэвалюцый было зрынута манархічнае кіраванне ў Таскане, Парме, Модэне і Папскай вобласці. Урады, якія прыйшлі на гэтых тэрыторыях да ўлады, арыентаваліся на Сардзінскае каралеўства і склалі паміж сабой ваенныя дагаворы, а 7 лістапада 1859 года абралі Яўгена Эмануіла Савой-Карыньянскага ў якасці свайго рэгента. Аднак сардзінскі кароль Віктор Эмануіл II не зацвердзіў гэты выбар, і замест гэтага прызначыў Карла Банкампаньі генерал-губернатарам Цэнтральнай Італіі, які павінен быў адказваць за ваенныя і дыпламатычныя справы ў гэтых дзяржавах.

8 снежня 1859 года Парма, Модэна і тэрыторыя Папскай вобласці былі ўключаны ў каралеўскія правінцыі Эміліі. Пасля плебісцытаў сакавіка 1860 года цэнтральнаітальянскія дзяржавы былі афіцыйна ўключаны ў склад Сардзінскага каралеўства, праз год ператворанага ў Каралеўства Італія.

• На Вікісховішчы ёсць медыяфайлы па тэме Аб'яднаныя правінцыі Цэнтральнай Італіі