Адмірал (матыль)

	Адмірал
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Першаснаротыя
Без рангу:	Ecdysozoa
Без рангу:	Panarthropoda
Тып:	Членістаногія
Падтып:	Трахейнадыхальныя
Надклас:	Шасціногія
Клас:	Насякомыя
Падклас:	Крылатыя насякомыя
Інфраклас:	Навакрылыя насякомыя
Надатрад:	Насякомыя з поўным метамарфозам
Атрад:	Матылі
Падатрад:	Glossata
Надсямейства:	Papilionoidea
Сямейства:	Німфаліды
Падсямейства:	Nymphalinae
Род:	Ванесы
Від:	Адмірал
Міжнародная навуковая назва
	Vanessa atalanta (Linnaeus, 1758)
Сінонімы
	Papilio atalanta; Pyrameis ammiralis; Pyrameis atalanta; Vanessa atalanta;
ITIS	188599
NCBI	42275
EOL	154665

Адмірал (Vanessa atalanta) — дзённы матылёк з сямейства Nymphalidae.

Этымалогія назвы

Відавы эпітэт Atalanta (грэчаская міфалогія) — Аталанта — гераіня Калідонскага палявання, дачка цара Аркадзіі, якая была выкармленая мядзведзіцай і вырасла ў лесе, яна бегала хутчэй за ўсіх людзей на Зямлі.

Апісанне

Даўжыня пярэдняга крыла 26-34,5 мм. Размах крылаў 50-65 мм. Крылы зверху чарнавата- або цёмна-бурыя. У вяршыні пярэдняга крыла вылучаецца невялікі зубец па знешнім краі. На пярэдніх крылах праз іх сярэдзіну папярок праходзіць чырвоная паласа-перавязь, а вышэй за яе — 3 буйныя і да 6 дробных белых плямаў.

На задніх крылах знешні край з шырокай чырвонай аблямоўкай, на якой 4-5 чорных метак і здвоеная блакітная плямка ў цёмным абадку ў анальным куце. Ніжні бок крылаў карычнявата-буры, з разнастайнымі чырванаватымі і белымі плямамі і шэрымі разводамі. Знізу на пярэдніх крылах паўтараецца малюнак верху, а задняе крыло карычняватае і мармурападобнае за кошт цёмных штрышкоў і звілін.

Vanessa atalanta
Vanessa atalanta △

Падвіды

Vanessa atalanta rubria (Fruhstorfer, 1909)

Размнажэнне

Самка адкладае па адным яйку на лісці кармавых раслін. У вусеняў падоўжная паласа на спінным баку цела адсутнічае, маюцца бакавыя жоўтыя палосы, жоўтыя кропкі і жаўтлявыя шыпы^[1]. Вусені развіваюцца з мая па жнівень. Жывуць у згорнутым у трубку лісці кармавых раслін. Кукалка вольная і прымацоўваецца галавой уніз.

Кармавыя расліны

Да кармавых раслін вусеняў адносяцца:

Carduus sp. — расліны з рода Carduus
Humulus lupulus
Urtica dioica
Urtica urens

Час лёту

Развіваецца ў адным-двух пакаленнях. Май, чэрвень, ліпень, жнівень, верасень, кастрычнік — 1 дэкада.

Месцапражыванне

Лясныя ўзлескі, паляны, абочыны дарог, лугі, берагі рэк і г. д. Часта назіраецца ў антрапагенных біятопах. У гарах сустракаецца да нівальнага поясу (2500—2700 над узроўнем мора).

Арэал

Паўночная Афрыка, астравы Атлантычнага акіяна, знешнетрапічная Еўразія, поўнач Амерыкі, Гватэмала, Гаіці. Від схільны дынамічным ваганняў колькасці і ў асобныя гады назіраецца ў вельмі вялікай колькасці. З'яўляецца актыўным мігрантам. Папуляцыі ў лясным поясе часткова, а на поўначы арэала цалкам папаўняюцца пералётнымі асобінамі з поўдня.