Ала Васілеўна Сычова

Ала Васілеўна Сычова
Алла Васильевна Сычёва
Дата нараджэння	28 кастрычніка 1928(1928-10-28)
Месца нараджэння	Ленінград, РСФСР, СССР
Дата смерці	3 снежня 2003(2003-12-03)[1][2] (75 гадоў)
Грамадзянства	СССР  Беларусь
Альма-матар	Уральскі політэхнічны інстытут імя С. М. Кірава[d] (1956)
Месца працы	Белдзяржпраект БНТУ
Навуковая ступень	доктар архітэктуры (1983)
Навуковае званне	прафесар акадэмік Беларускай акадэміі архітэктуры[d]
Член у	Саюз архітэктараў СССР Беларускі саюз архітэктараў
Прэміі
Узнагароды	Грамата Прэзідыума Вярхоўнага Савета БССР (1980)

Ала Васілеўна Сычо́ва (Канянкова^[3]; нар. 28 кастрычніка 1928, Ленінград — 3 снежня 2004) — беларускі архітэктар, педагог. Доктар архітэктуры (1983), прафесар (1985). Член Саюза архітэктараў Беларусі (1959). Акадэмік Беларускай акадэміі архітэктуры (1997).

Скончыла Уральскі політэхнічны інстытут у Свярдлоўску ў 1956 годзе. У 1958—1961 гадах працавала ў інстытуце «Белдзяржпраект», з 1960 года — аспірант, асістэнт, дацэнт кафедры архітэктуры, з 1984 года — загадчык кафедры горадабудаўніцтва Беларускага політэхнічнага інстытута. З 1985 года прафесар кафедры «Горадабудаўніцтва»^[4].

Член Саюза архітэктараў СССР з 1959 года. Пражывала ў Мінску^[4].

Працавала ў галіне горадабудаўніцтва, ландшафтнай архітэктуры. Найбольш значныя работы: схема планіроўкі зон адпачынку возера Нарач і вадасховішча Пціч (Мінскі раён, 1959), прыгараднай зоны Гродна (1960), праекты зоны адпачынку на рацэ Волма (1969)^[4], парк у горадзе Беразіно (1979, усе ў суаўтарстве), рэканструкцыі паркаў у Лагойску (1980) і Маларыце (1986)^[4].

Аўтар навуковых прац больш 180 публікацый, у тым ліку 8 кніг — 6 манаграфій і 2 навучальных дапаможнікаў у галіне ландшафтнай архітэктуры і аховы прыроды, у т.л.: «Загарадны адпачынак дзяцей» (Масква, 1971), «Ахова прыроды і архітэктура» (Мінск, 1976), «Ландшафтнае аблічча беларускага сяла» (Мінск, 1982), «Архітэктурна-ландшафтнае асяроддзе. Пытанні аховы і фарміраванні» (Мінск, 1982), «Ландшафтны дызайн» (Мінск, 1984, з Н. П. Цітовай), «Горадабудаўніцтва Беларусі» (1988, у аўтарскім калектыве)^[4].

Узнагароджана Граматай Прэзідыума Вярхоўнага Савета БССР (1980)^[4]. Лаўрэат Дзяржаўнай прэміі Рэспублікі Беларусь (2000, у аўтарскім калектыве) — за комплекс даследаванняў па тэорыі архітэктуры (фарміраванне беларускай навуковай школы), створаны ў 1995—1998 гадах.

• Загородный отдых детей. — М., 1971;
• Охрана природы и архитектура. — Мн., 1976;
• Ландшафтный облик белорусского села. — Мн., 1982;
• Архитектурно-ландшафтная среда. 2 изд. — Мн., 1982;
• Ландшафтный дизайн. — Мн., 1984 (разам з Н. П. Цітовай);
• Градостроительство Белоруссии. — Мн., 1988 (у сааўт.).

• Сычо́ва Ала Васілеўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 325. — 10 000 экз. — ISBN 985-11-0035-8. — ISBN 985-11-0251-2 (т. 15).
• Сычова Ала Васілеўна // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Сычева Алла Васильевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)